ممنوع الشباب ... عوائل فقط .... (( موضوع للنق

السلام عليكم ورحمة الله وبركاته

مرحباً بكم في موضوع نقاش بعنوان (( ممنوع الشباب ... عوائل فقط ))

كثيراً منا قد لايعلم أين يذهب في نهاية الأسبوع
فأغلبية الأماكن عوائل فقط
فإذا ذهبوا لمجمعات التجارية قالوا ممنوع و أذا دخلوا بطريقة غير نظامية قشتهم ( شالتهم ) الهيئة
فما الحل
,,,,,,,
قالوا أماكن الشباب في تبووك :
1- المزروع (( جلسنا كل نهاية أسبوع ندور عليها تقل نبي نطلع كنز ))
2- الممشى (( تكسرت رجولنا وحنا نمشي وبعد ماسلمنى من الهيئة ))
3-العليا (( ندور على غير فائدة ))
بس هذي الأماكن اللي مسموح بها للشباب
,,,,,,,,,,,,,,
والغريب أنه مسموح بدخول الشباب للبقالات
وقريباً بيكون ممنوع للشباب دخول الأنترنت
وأعذروني على الأطالة " ^$^
واللي عنده مكان يكتبه ....
ونبي حل لهذه المشكلة ......
بإنتظار الردود......!!!....

أخـــــــــــوكــــم : عزوووز

عندك الحكير

فن بارك

هذووولا كلهن عوئل فقط يعني لو يخصصوا يوم ولا يومين للشباب

كان مادجت الضعافين على روسها بالكازينوهات شيشه ودخان وقلة حيا

وبعدين عندك الشارع العام والأسواق المختلطه لو يشوفوك الهيأة هناك

لحالك وراك وراك يسوو فيها اذكياء يندسو عنك بالمحل وهم ماعندهم ماعند جدتي

واذا مريت من جنب بنت ولا شي الله يعينك على القسم وحلاقه على الصفر ويــــآآآليـــل مــاطولـــكـــ

واتمنى من المسؤولين بتبوك مراعاة حالتنا المنتهية الصلاحيه فالمزروع زحمه والممشى مضايقه

والأسواق والأماكن الترفيهية للعوائل فقط ... يعني لو دقو على حق السياحه وقالو له ودنا نسوي

ملاهي للضعافين الكبار بتبوك ولا كلموا الأمير وربي مايقصر معهم ... بس احنا عيبنا ناكلها واحنا

ساكتين ...

آســــف على الإطاله بس موضوعك في محله...

تحياتي لك...

مساكين العزاب

بس طريق عمان يشكي

والله اخوى الله يكون بالعون مساكين الشباب

لكن الامر عندى مختلف اعتقد ان العائلات هنا هي الى مظلومة


وبالنسبة للمشهورى تعال اخوى عندنا الاسبوع كله للشباب

تحياتى لكم جميعا

الشهاب

شكراً لك اخي عزوز عـ الطرح الجميل

طيب بدخل في الموضوع

والله الشباب مضلومين هي اماكن محدده الي يروحن فيها ومن كثر ما يتقابلو في هذي الاماكن

تشوف انواع المشاكل .

ولو سمحو لشباب بدخول المحلات المخصصة للعوائل

برضوو بتشوف مشاكل مثل المعاكسات او من نظرة شخص على البنات.....

والله شي محير

او مثل ماقال اخي المشهور يخلو يومين شباب والباقي عوائل

فكره جميله بس مين بيسمعك.
---------------------------------------------------
شكراً عـ الموضوع الجميل

وتقبل مروري

يخوي عزوز والله مالك إلا تكوه في البيت زي الحريم ويش تسوي

كل مارحنا مكان قالوا عوائل طيب وين نروح يقلك عند بيتك تروح عند بيتك يقلك ادخل

لاتتجول في الشوارع ترى بنوديك الحجز في الزمن هذا صارو الحريم احسن منا في الخروج

مالك إلا البيت الله يعين اخوي عزوز ولا الزواج ولا الخارج فل صح

لك التحيه

النجم

<<<< أشاهد معاناتكم ... خخخخخخـ

مو المشكله ياأخوان الشباب عندنا مكبوتين من سنين يعني الوضع متردي وتعودوا عليه وتجي الان وتقول ليش ممنوع الا للعوايل ماهم لو دخلوا مع العوائل نفس المكااان كان صااارت مصخره ومطاردات وكل واحد يخاف على أخواته أكيد ومايرضى لهم بالتحرش ,,, يعني المشكله في الشباب المكبووت لو فتح لهم المجال جابو الطامات
وأكيد أكثركم شاهد مواقف مخزيه ,,,
أنا مع الاخ المشهوري في تحديد يوم للشباب في كل الامكان ..
أما بالنسبه للاخ الشهاب فمصر من زمان متعودين على أن الشباب والبنات مع بعض ولا أحد يتعرض أحد لكن عندنا لو أختلطوا جااابووو مشااكل والمشكله الان البنات صااروا أشد من الشباب في المعاكسااات ... تشوف البنت تطارد الولد الى مايعطيها الرقم والله قمة التخلف ...

مشكووووور عزوز على هالموضوع الرائع

ساندريلا

ياليييل أبولمبه ,,,,

وبعدين معاك انت ياعزووووز ياخي خلاص من زمان وحنا داجين بالشوارع ,,
أما كازينوهات ولا تفحيط ولا دجه والله أعلم من بعض الدجات وين تودي ,,,
على فكره المسؤولين عندهم خبر بالمشاكل هذي ,,,لكن لا حياه لمن تنادي,,

وأما أنا بالنسبه لي ,,, أعارض فكره الإختلاط في الاسواق المركزيه ,,

لأن الشباب لو إختلطوا مع البنات جابوا العيد ,, وحنا شبابنا مو شايفين خير ,,, الواحد

إذا شاف العبايه وهو مشى ورى بنت الناس ,,

اسكت ساكت يارجل,,, والله لو سوو مهما سوو شبابنا من يوم انه واكب التطور وهو على وضعه هذا

ومن عاشر المستحيلات ان الوضع يتغير ,,,

تحياتي لك

مشكووورين على المرووور وطرح رأيكم