هذه القصيده للشاعر\محمد بن فياض الدماني
يرثي فيها أخاه:محارب الدماني
الذي توفي في حادث جعله الله من أهل الجنه اللهم آمين
(ذيــــب العيــــال)
[poem=font="Simplified Arabic,6,darkblue,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
ليت المسا يسري مسافـات واميـال=وعن الضحا خيـل المسـا يبعدنـي
يقطع مداهيل بهـا الصبـح يهتـال=لمـا ركايـب صبحـهـا يتعبـنـي
وليت المسا في جوف الايـام خيـال=وماللضحـا خيـل عليهـا يعـنـي
واحط بركاب الزمـن قيـد وعقـال=وضعن بـلا صبـح وهـن يتبعنـي
ابغاه ليـل ماحكـت فيـه الاجيـال=ينزح عن الضاحي على متن جنـي
ودي على وجه الضحا يفرد الشـال=لمـا بشايـر صبحـهـا يختفـنـي
وياليت عمر البارحـه ظـل مـازال=وعسى ركايـب صبحهـا ماغزنـي
امسيت (ياناجح) ونـا خالـي البـال=قـدام لوعـات الـزمـن يدهلـنـي
واصبحت وضلوعي من الوجد غربال=وبضامـري كـن السبـاع ايعونـي
والذيب صوته لسحم الذيب مرسـال=يومن علـى رجـم الشقـا يقنبنـي
ضرب القوا هدفن محانيهـن هـزال=ومن جوعهن عجزن بعـد يمرحنـي
كني صويب طايـح بشهـب الـلال=فـي سهلـة يـوم الجمـوع التقنـي
طريح كف اللي عن الموت ماسـال=بتـاع لامـنـه طـعـن مايثـنـي
عمره قضى بنحور عطبين الافعـال=وسـرد السبايـا بالربـوع انكفنـي
رملا ضعيفه مالهـا غيـره اعيـال=وقامـت توايـق يومهـن روحنـي
ياويلهـا ماشافـتـه بـيـن الازوال=الا ذلولـه مـع جنبـهـم تحـنـي
بسمه تنـادي وازرق الدمـع همـال=لين العيـون مـن الدمـوع انعمنـي
وياوجد حالي من صواديف الاجـال=اخفيـه ودموعـي بعـد يفضحنـي
وجد الشجاع اللي عليه الدهـر مـال=من عقـب ماهـو دالـه مرجهنـي
حطت به الدنيا تحت حكـم الانـذال=فيـه النفـوس الواطيـه يحكمـنـي
لاالسيف باليمنـى ولاعنـده رجـال=وعليـه صلفـات الليالـي وطـنـي
وباح النهار اللي به الشمس تختـال=واشفق وفـي شلفـا رهيفـه طعنـي
فالي ضحا يوم الاحد ياعـرب فـال=يوم القـدر بغـلا حبيـب امتحنـي
الصبح خاطبني علـى بـث جـوال=يبي ايتطمن عـن ربوعـه وعنـي
قلت انت وين وقال واصلك بالحـال=من فـوق موتـر لامشـى مايونـي
الفجـر انـا للملكـه ماخـذ ادخـال=قطـع الديـار المبـعـده عذبـنـي
ومن بعدها قفـل وقفلـت الارسـال=واذكر عيوني مـن فرحهـن بكنـي
الله يخون المـوت مايعطـي امهـال=لحضات عن شوفة عضيدي نحنـي
عساك ياحسر النـدم نابـي الجـال=للبـوم وكـر وفـي ردامـك يغنـي
وياعل ياتـي لـك مـن الله زلـزال=ياللي خذيت (محارب) اليـوم منـي
حلو النبا عجل القرا سمـح الاقبـال=عديـم لاشـح الـزمـن مايمـنـي
ماللـردى يمـه وسيلـه ومـدخـال=في راس مرقـاب الفخـر مستكنـي
ذيب العيال معـرب الجـد والخـال=يمضي على درب الخطـر مايكنـي
يوم الدماني طاح في غـب الاهـوال=صويب من جرحه يجـض ويونـي
من فوق متنه للخوي ياعـرب شـال=وعـوج المخـازن فوقـه يرعدنـي
والدرب عسره بين جيـان وجبـال=وجتـك المواتـر للاثـر يقتفـنـي
كفه عن طوال الهقـاوي بعـد طـال=اكبر من الهقوه يجـي فـوق ضنـي
بالحيل اصورهن كبيـرات وجـزال=وبالحيـل قدامـه بـدن يصغرنـي
والمرجله تبغـى لهـا قلـب رجـال=واعلـم تراهـا ماتجـي بالتمـنـي
ياليت له فـي جنـة الخلـد منـزال=وعساه مع حـور الجنـان امتهنـي [/poem]
المواضيع المتشابهه
الدماني يرثي أخاه
العرض المتطور
