ردية بين الشاعر حمزة الهاشمي ونديم

يقول الشاعر : حمزة الهاشمي

ياصاحبي درب الهوى شيب الناس

احدن تشوف ابخير واحدن يقاسي

ما فالمحبة لوم ياصاح لا باس

كاسك شربته بالهوى مثل كاسي

وش حيلة اللي همته وصلت الياس

سبة غزال(ن) حطم اليوم باسي

ماتشبهه لا بنت عجرم وسوّاس

وينه ووين الناس وهو بعد ناسي

خذه النصيب و اقال حمزة على الراس

عقبه ثياب العقل ماهي مقاسي

[هذا الرد] ..

حي الجواب اللي لفى حزة ارماس

من شاعر(ن) حرك كلامه احساسي

(والفرق واضح بين لندن وتكساس)

وانته تواسي أويبيلك مواسي!

ونديم ياحمزة من العام محتاس

ولولا بنوك الطيب .معلن افلاسي

وآ شيب حالي بين حابس وحبّاس

ارحمهم اللي ميت القلب قاسي

ومن دونها حاسد وعاذل وبلاس

وتاهت مراكبنا بليا مرآسي

ولو تنذكر ياصاحبي من ورا فاس

امشي لها كلي بخمس الحواسي

وختامها هيضتني حزة ارماس

ودنياك ياحمزه تراها مآسي

صح السانك ولسانه
رديه جميله جدآ ..عساك على القوه شاعرنا
من طول الغيبات جاب الغنايم يابواحمد

المشاركة الأصلية كتبت بواسطة ~ صاحبة السمو~

صح السانك ولسانه
رديه جميله جدآ ..عساك على القوه شاعرنا
من طول الغيبات جاب الغنايم يابواحمد

شكرا ياأميره
ولوان القمرآ ماتجي على هوى السآري أحيانا
ولو غبت ترآكم بقلبي ماأنسى إن لي بهالمكان أحبة
الله يسعدك ولايحرنا من وجودكـــ

صح السانك ابو احمد ولسان حمزة الهاشمي

رديه جميله جدا من شعراء جزلين متمكنين

اللله يعطيكم العافية
كثر مامشت الذيابه حافية

{تحيتي لكما جميعا}

هلا وغلا

وين الغيبه

صح لسانك

ابو احمد ولسان الهاشمي

رديه جميله جدااا



تحياتي لك

والله ياخالوو لك وحشة
حمد الله على سلامتك
وصح لسانك ولسان الهاشمي
على الرديه القيمة

صح لسآن شعرآئنــآ المتميزين

آستمتعت كثيرآ بمآ كتبت آنآملكم ,
الله يعيطك العآفيه ,
ودي . تسبقهآ بآقه وردي ,

صح لسانك ابو احمد وصح لسان الهاشمي

على الرديه ...

الله يسعدكم جميعآ....
وشكرآ لمروركمــ...