هب الشمال وفـزّ بيـن المحاديـب
طفل ٍ على خدّه مشاريـه وعتـاب
والبرد شبّع جـرد الأيـام تعذيـب
وأنا ضحية بـرد وأيـام وأحبـاب
ياليل مالي غير حضنـك معازيـب
خلك معي لاشحّت وجيه الأصحـاب
ماعاد هي لحيـة غـرام ومكاتيـب
لاوالله الا قرّبت صـوب الأهـداب
يابنت ياأم الضحكـه أم المعاطيـب
لاماك ذنب وشاعرك مابعـد تـاب
مرّت ثلاث سنين ياأغلى الرعابيب
والريح تشكـي للشبابيـك والبـاب
مرّت ثلاث سنين بيـن المراقيـب
عدّيتهـا يابنـت مرقـاب مرقـاب
في ذمّتـي ماعـاد أودي ولااجيـب
حتى الشعر ماعـاد ودّى ولاجـاب
يابنت عندي كلمـةٍ تقطـع الجيـب
باقولها لو ماحسبتي لهـا حسـاب
طرد المقّفي مثل طـرد العذاريـب
وأنا تعبت أبلع مشاريـه الأعـراب
أما تعالي وأقطعـي دابـر الريـب
والا انسي أني كنت انا وانتي أحباب
فهد المساعد
برد .. وأحباب .. وأيام ...
العرض المتطور
