[poem=font=",6,indigo,normal,normal" bkcolor="transparent" bkimage="" border="none,4," type=1 line=0 align=center use=ex num="0,black""]
الفرس والليل والسيف البتور=والقلم والطرس والقرطاس به
الشعر عندي مثل لجّ البحور=اطرق ابحوره وانا الغطّاس به
البشر تاقع على اشكال الطيور=والرجال اشكال يالفرّاس به
لا تلّفت للنعام ولا النسور=وان وقعت اوقع على القرناس به
النوايا خلف قضبان الصدور=لظهرت لتكثّر الوسواس به
الخمال يسوّد الوجه الدشور=والصفا غير المياه الراسبه
لا اتصدق كل رجّال امغرور=خذ كلامه نسبة ٍ متناسبه
الولد وان جاد حظه ما يبور=والامل ما يفقد الاحساس به
مثل بندق عند حاجتها تثور=شاش راسه واطلق النوماس به
عند حقه ما يلفّ ولا يدور=صامل ولا ينفع الهوجاس به
دام طيب الراس يبني له قصور=يستحقه يوم قوّى الساس به
من يقول الطيب هو شكل وحضور=والله انّه ما قرى الكرّاس به
أخص حشوان المراغه والجرور=بشروّهم بالعلوم الراسبه
وانت يا وجه المعاصي والفجور=يا رفيق ابليس يوم اتناسبه
علّموه اني بوردّه البحور=وارْجعه ظامي يعدّ انفاس به
من يجاملني ابادله الشعور=ومن ظلمني فيه ربّ إيحاسبه
يا وجودي وجد تأشيرة مرور=أخرّوها وزوّدوا اللولاس به
أحتريها يا حبيبي من شهور=وفي قليبي يمحمس المحماس به
كم تهزني دمعة الرجل الصبور=لا تحزّم للثنادي وداس به
وكم فقير ٍ قد شكى لي من قصور=ما أنام الليل وآنا حاس به
الردي مالي على دربه عبور=والسنافي اشهد اني كاسبه
أسبروني مع مداهيل الصقور=فوق ضلع ٍ يلعب النسناس به
شيخ ما يكتب حلامه في سطور=ولا جمعها جمع آله حاسبه
شيخته والله ولا عزم الامور=والسنع ما ينفع الهنداس به
كثر ما شافت عيوني من سرور=الحزن يظهر على الجلاّس به
والحياه هذي بساتين وزهور=ورد فُلّ وزهرة اللوتاس به
وبالحياة الاخره جني البذور=فابذر الخيرات يالغرّاس به
كل ما هو في نصيبك لن يبور=انطره ياتي ولا تحتاس به
[/poem]
فوق ضلع ٍ يلعب النسناس به
العرض المتطور
