مكالمة بعد منتصف الليل

نايم في ليلي متهني = لا خالي بال ولكني
متحاشي همي ومتناسي = احداث القصة الماضية
صحتني رنة جوالي = صوت الرنة بليل خالي
قلت الله انك تسترها = وش هالرنة و وش تاليَه ؟
مسكت الجوال بيدي = مضايق ؟ اي والله حدي
فيني ضيقة صاحي نومة = من قبل انوار الفجرية
فتحت الخط بقولة "الو" = جاني صوت يشيب حلو
(هذا النمبر نمبر لينا )؟ = لعن ام الكذبة البناتية
دلوعة بغنج لبناني = وصوت (ن) اخذني و وداني
حكي (ن) كنه همس طفولة = وتضحك ضحكات بحنية
قلت : النبرة ماهي بلينا !! = وهالكذبة ماهي علينا
صوتي ماهو بالبناتي = شكلك غلطانة يا بنية
قالت : شو مالك مدايق = بلكن بعدك منك فايق
اضحك خل الجو فري = في هيك الليلة الصيفية
قلت بقلبي : استر ياربي = وش خافيها و وش متخبي
في هالساعة وش تبغيبي = كن ارقامي للدورية
كل اللي يبغاها جاها = ويدقدق من عنده اعطاها
ماني ملحق ع اللي حولي = تجيلي هالبنت الشامية؟
الله يلعن شر اشكالك = جيتي يمي وما حد جالك
قلبي توه يصلب طوله = من عقب الصدمة المنسية
قالت ممكن نحكي شوي = بلكن شق شق فيني الضي
فيني زهقة تكفي حارة = كنها مسة شيطانية
قلت : علومي ماهي علومك = وايامي ماتشبه يومك
انتي بالمكياج تدجي = وسط البارات الليلية
ولا انا عايش متعافي = مصيوبن بس الله شافي
مصيوبن من تالي قصة = خلت لي ضلوعي مبلية
قالت شو مالك عم تشكي ؟ =من حظك يمكن رح تبكي
والله لو تعرف همي = بتحس ايامك سحرية
مهمومة بهمي مسجونة = واحزاني في قلب عيوني
واحساسي كني يتيمية = تفقد احساس الحنية
ولك واحد متلك متهني = يحقلو يرقص ويغني
ماهو هيك بيشكي حاله = كنه بيعشق له جنيه
قلت الدعوة صدمة عاشق = والسهم اللي بقلبي راشق
خلاني ابعد بدروبي = عن درب الحب وطاريَه
ولا انا فارس من يومي = واجنن حوا بعلومي
واخلي النسوة تتبعني = واعكس اساس النظرية
قالت يافدوة لعينيك = يعجبني الشب اللي هيك
تؤبرني وتؤبر احلامي = وتؤبر ايامي الماضية
ولك والله يعجبني صوتك = ويعجبني حكيك وسكوتك
يعجبني هالشب الراسي = كنه من الاسرة الملكية
قلت بقلبي وش تاليها = هالحين تبين خافيها
سامع هالحكي المتكرر = صاير يشبه للأغنية
قلتلها اعجبني كلامك = وحظ المتهني بغرامك
لكني جدا متأسف = ( فنش شحن البطارية )
وقفلت الجوال بيدي = متعمد ؟ اي والله حدي
متعمد انهي كذبتها = وانهي عرض البطارية
وجوالي مقفل طشيته = ولا نمت بصامت خليته
حتى ما يزعجلي نومي = بالكذبات البناتية

اطربتن بهالطاروق الجميل

يعطيك العافيه على السرد الممتع

ولوانك ابتعدت عن الوزن في بعض الابيات

والله يكفيك شرها وشر اللي مثلها

واخير منها ركعتينن بالاسحار
لاطاب نوم اللي حياته خساره

اخي الكريم عناد ,,, النبط لازلت في اولى خطواتي معه فجاز ان الوزن سقط مني

شاكر لردك ومرورك العطر

دمت بود