مساجله بيني وبين الشاعره قمرا ســـــــــما
.................................................. ..........
ــــــــــ( ياوجد حالي وجد من ضيٌع الطير)ــــــــــــــ
الـقــلــب لافــنـــهّ قــديـــم الـمـعـاصـيـر
................جــروح روحــن بالـضـلـوع معـطـوفـه
تحفهـا ذكـرى الـوصـل حــزة عصـيـر
.................وابـقـى ثـمـان ايـــام تـقــل مخـطـوفـه
وبعـد الثمـان تخـاشـرن بالمصـاديـر
....................دمع القهـر , ضيـم المعنـى وخوفـه
يامحـمـد السـوعـان مسـيـت بالـخـيـر
................يـابـن الـحـرار الـلــي تـكــرمّ ضـيـوفـه
القـلـب حـايـر بـيــن عـــذال ومـشـيـر
..................كلـن يـقـول انسـيـه وانـسـي طيـوفـه
ياوجد حالي وجـد مـن ضيـع الطيـر
................طيـره شـلـع مــن بـيـن كـفـه وشـوفـه
تشـابـكـت دونــــه غـيـومــن ديــــر
................وارخــى لجنحـانـه ريـاحـن عـصـوفـه
أو وجـد مـن صكـوا عليـه الطوابيـر
.................مهـربّ نفـت بـه عـن ديــاره ظـروفـه
محمـلّ حشيـش وخالـطـه بالقـواريـر
...................الفقـر كااااافـر واستـوت لـه حتوفـه
حــــركّ وشــغـــلّ واتــكـــلّ والـتـدابـيــر
................ بيـديـن مــن نـفـسـه لـعـبـده عـطـوفـه
الجيب ضـاري والخـوي ساتـر البيـر
................ وطريـقـهـم عـلـى الـنـفـود مـحـفـوفـه
طـعـســاً يـبـيــنّ جـيـبـهـم بالمـنـاظـيـر
................وطـعـسـاً يـخـفـيّ نــورهــم بالـكـلـوفـه
مـن خلفهـم جيبـاً قطـع لـه مشاويـر
..............عـلــيــه رشــاشـــاً عــديـــم الــمــروفــه
اقـفــى وراهـــم بـعــد تبـلـيـغ تـحـذيــر
................يـرمــي ويـخـطـي والـحـيـاة مـخـلـوفـه
اقـفـوا مــع دروبــن طريـقـه عواثـيـر
..................ذيابـة خـلا والحـظ عــارض جـروفـه
الـرمــل غـطــى جـيـبـهـم والشـنـاكـيـر
...................تجـرف مــن تـلالـن تـلاشـت هفـوفـه
بالطعس تسمع حشرجة نافخ الكير
....................وتوحي ليا جا الرمل حس الجـفوفه
لـحـقـهـم الــرشــاش هــمــال ويــديـــر
....................يبـي الهـدف واطلـق حمايـل كتـوفـه
وبعد العنا والجهد وين انت يالخير
..................صـابــوا خـويــه واسـتـقـرت بجـوفــه
وتـوهـق وشــاف الغـثـا والمخـاسـيـر
....................مـات الخـوي والجيـب طـقـت بلـوفـه
ولـمـوا عـلـيـه بغـربـتـاً كـنــه الـصـيـر
..................وحـطـوا الـحـديـد وكلـبـشـوه بعـنـوفـه
بصـمّ علـى اوراقـه وشـاف التقاريـر
.................قـطــوهّ فـــي سـجـنـاً قلـيـلـه شــروفــه
هذا الهجر من غيـر عـذر ومعاذيـر
...................هـــذا الالـم لاقــبــل تــزفــه دفــوفــه
يامحمـد اقــرأ حــرف قـمـرا بتصخـيـر
..................وانصـح , وحـاول لاتـروع مخفـوفــه
ياعيـن منهـو طــال روس العناقـيـر
.................يالـلـيـث لاتـجــرح مـشـاعـر شـفـوفــه
جاك الشعر يابـن الرجـال المناعيـر
................اقـبــل مـــن الـقـمـرا جـدايــد قـطـوفــه
قمــــــــــــرا ســـــــــــــما
ردي علـــى الاخـــــــت الشـــــاعره قمــــرا
اتمنـــى ان اكــون قــد وفقــت بالـــرد المناســب
فل تعذرني الاخــت الشاعره ان لم يكن ردي قد اوفى بالغرض المفروض .
....................يامرحبا باعداد نبت النير.............................
حــي الجـواب اللـي لفتبـــه تعــابير
===== والـدر والياقـوت يشـــدي اصفــوفه
جـــاني من اللـي لـه معـزه وتقـدير
===== من الجادل اللي من نوادر اخشــوفه
دزه لنــا ســــيـد البنـــي الغنـاديــر
===== قمـرا ســـما خطــت معانـي احـروفه
يا مــرحبـا باعـداد نبــت النــير
===== واعــداد مـا هــب الشمـالي هفـوفــه
واعداد مظعون السلف والمظاهـير
===== واعــداد حاتـم طـي ما اكـرم اظيـوفه
قمـــرا شــكت هجران ربـعً مدابيـر
===== اقفــوا كمــا مـــزنً تخــيله ابشـــوفه
تحــدها الفــرقا وحـكــم المقــاديـر
===== وتهــزها الذكــرى وطــاري اولــوفه
والشوق نـاره تحرق القلب واتهير
===== ومـا لــوم قمـرا يـوم تصـفق اكفـوفه
ومالومها ايضا لو تسوق التباشير
===== للــي يبشــر قلبـهــا عقــب خـــوفــه
وان كان خلك مخلصً فاانت لاتحير
===== ان كـان قلبـه فيــه صـدق ومـروفـه
بيرجــع ولــو تنحـاه عـنك الاداهير
===== هــــذي مــزايا الصـادقيــن ووصـوفه
وان كـان دوٌر بـك بديـلً مع الغيـر
===== تعـوٌض اللــه فيــه مـــالك ابشـــوفــه
خلـه علـى وجهـه ولا ترتجـي خير
===== واللي يعــافـــك وايتـناســــاك عـــوفه
وارفــع بنفســك فـوق كــل المعايير
===== واصبــر وحــزات العــذاب امخـلــوفه
الحــب شــابت به قلـوب المنـاعيـر
===== فرســــان طاحوا فـي مهافـي اجـروفه
وراع الهـوى دايـم عيـونه سواهير
===== وتقضـي حيـاتــه بيـن هـــم وحسـوفـه
دوك النصيـحه وابـي اذكـرك تذكير
===== لاتـعتجــل مـن دون تعـلــــم ظـــروفــه
لاتعتجــل مــــد النظـــر والتبـاصير
===== عـــن لا تنـــدم والنـــــدم بــه كلـــــوفه
جــاك الجــواب اللي صخرناه تصخير
===== ونفســــي علــى رد المعـــاني لهـــوفـه
ابي انصح اللي يطلب الراي واشير
===== والحــــق بيٌـــن والمبــــــادي تحــوفــه
وابي السمـوحه كان بالقيـل تقصير
===== عــل وعسى صبـت الهدف وسط جـوفه
محمد بن سوعان الربيٌع
مساجله بيني وبين الشاعره قمرا سما
العرض المتطور
