ظروف الدهر

[poem=font=",6,darkblue,normal,normal" bkcolor="transparent" bkimage="" border="none,4," type=2 line=0 align=center use=ex num="0,black""]
عسفـت قيفانـي ولـي طاوعنـي=ورثتهـن ماجـن عليـه معونـات
وشد قافي في هـوى كيـف فنـي=وأهديه قرم ٍ له عوايـد وعـادات
عـروق قلبـي للبـداوة هـونـي=سجيت رجلي بين روحة وجيـات
لاهل البيوت اللـي بهـم شيدنـي=أهل الكرم واهل العزوم القويـات
بصفر الدلال مخالـط الهيـل بنـي=مجددين لجيـة الضيـف حمسـات
في وسـط نجـرن للّوافـي يدنـي=يجيب من هوله على الكيف حمسات
وإن جن بالخطـار ركبـن مشنـي=من سمنهم حطوا على حيل عدلات
مافكـروا بسنينهـم وش خـذنـي=مافكـروا بالرايحـة والخسـارات
فـي شـق بيتـن بالعـذاوة مبنـي=عـن الهبـوب يروقنّـه عريبـات
بيض العذارى كفوفهـن خضبنـي=عيونهن سـم ٍ هدبهـن غزيـرات
بيض ٍ على زرع الطبيعـة مشنـي=يمشن على طبع الشرف مستعزات
سلم البـداوة فـي سنيـن ٍ مظنـي=حياتهم مابيـن سلمـن وغـارا ت
صديقهـم عايـش عزيـز امتهنـى=يشرب حليب ٍ من خواوير خلفـات
وعدوهـم يلقـا حـديـدٍ يسـنـي=عقب الطمع قفن بـه المستذيـرات
الـى أبرقـن أبروقهـا وارعدنـي=أقفـا سلفهـم للديـار البعـيـدات
كم واحـد ٍ للشيـل منهـم يدنـي=علـى ربيـع ٍ للبـداوة مـلـذات
والصبـح تلقـا بيوتهـم لجلجنـي=سرحن ومقهورن وللنـار شبـات
أبيوتهـم عقـب الطنـب فارقنـي=أفراقهـم تلقـاه دمعـن وعبـرات
وياجديع مـن دار الحبيّـب لفنـي=ردة سـلام وخصنـي بالتحـيـات
يامرحبا باخبـار طـارش يجنـي=خلي مع الطراش مرسل مـردات
من ردة المجمول خطـر استجنـي=مجنون ليلى بالهـوى قبلنـا مـات
يقـول قـول لصاحبـي لا يونـي=عجلن يجيني يضرب الليل سروات
ياما مشيت لسـاق رجلـي معنـي=وياما على شانه رقيت الطويـلات
ويامـا لقيتـه والضمايـر رونـي=وياما اتجاذب داخل القلب حسرات
عليه اخبـط الكـف واعـظ سنـي=واقول وين القاك يالزيـن هيهـات
متـى ظروفـي باللقـا يسمحنـي=متـى عليّـه يقربـن المسـافـات
وشوف من ظنه على كيـف ظنـي=ظبيـن ربـى مرتاعهـا بالعذيـات
ياجديع أنوح بتالـي للليـل كانـي=كاني مريض الحال تطويه عـلات
ولا خلوجن بالخـلا هـي تحنـي=الليل يمظي بيـن حنّـه وزفـرات
عيـون المشقـا بعدهـم يسهرنـي=أسهر إذا رادوا هل النوم راحـات
أطنـب إلا مـن الذيابـة عـونـي=وأجاوب لصوت الذياب المجيعـات
أهداب عينه بالهوى مـا أرحمنّـي=هنـه شقايـه كاسبـات الخطيـات
بعيـون نجلـن بالهـدب يلحظنـي=آهدابهن أرماح من فـوق وجنـات
بقصـا ضميـري للحبيّـب نكنـي=نكـن حبـه بالضلـوع النحيـلات
الوقـت جايـر بالحدايـد سجنـي=اوسوم نيـران المشقـى طريـات
ظروف الدهر ياجديع شوفك كوني=سود الليالي يابن الأجواد صلفـات
أخـاف نـاس قلوبهـم يفرحـنـي=نفرح إذا شافوا على الناس غـرات
سـود الليالـي بالـردى لايعنـي=أهل النجاسـة كاسبيـن الخطيـات
راع الحسد قلبـه حبيثـن مصنـي=دور على دروب المخاليق غلطـات
الله لا يسـقـي لـيـال ٍ نحـنـي=عن الغظي راع العيون الكحيـلات
هدف الضمايـر طولـن ماشفنـي=علاجهن وسط الشفايـا الطريـات
لو العـذارا بالهـوى لـي طونـي=كل العيون لغير خلـي ضريـرات
خلـي عطانـي والبنّـي ماعطنـي=ماصد عني ناهب الروح لحظـات
وافي ولا هـو للعـواذل يصنـي=عراف مضاميني ولا فيـه شكـات
لـو العـذارا مـع وليفـي بدنـي=نوره خفاهن كانهـا لحالهـا جـات
[/poem]

سلطان حمود بن مسيعيد

ونعم الخيال الذي عسف لنا مهرة القصيد
ملحمة شعريه فريدة من نوعها استمتعت بقرائتها
الى هنا اقف اعجابا بهذه الرائعه
والسكوت في حرم الجمال
شكرا ياذيبان جزل وماتجيب الا الجزل
تحياتي

شاكر ردك وثناءك اخي العميري
ولاعليك زود يالنشمي

صح لسان سلطان وانا اشهد انه شاعر من فطاحلة الشعراء
لان الشاعر تعرفه من رسمه للقصيده وتضمنت القصيده معاني طيبه
وفيها من كل بستان طيب زهره. وحتى عندما عكف على الغزل عكف
بطريقه تدل على الشاعريه التي يمتلكها من حيث المضون والمعنى
وابدا حفظه للعهد والمحافظه على مكارم الخليل.
ارجو ان تزودنا بمثل هذه الروائع يالذيب واشكر لك نقل هذه المعلقه
التي ذكرتني الشي الكثير خاصه في حياة البداوه.
بارك لله فيك وفي قلمك يالسنافي,,,,

هلاومرحبا شاعرنا مسلم العميري
وابن مسيعيد شاعر متمكن يعانق السماء شموخا
بشعره وقوافيه النابعه من معدن شعري بحت
فهو سليل شعر وابن اوطان الشعر
وردك وثناءك زاد القصيده تألقا
احترامي لك