موقف لآيحسد عليه .. لـ بنت وشآب في المطآر

موقف لآيحسد عليه .. لـ بنت وشآب في المطآر ...

--------------------------------------------------------------------------------

السلام عليكم جميعااااااا

هذي القصه صارت لوحده صدق في مطار الملك خالد في الرياض

وتقول:

في الصيف اللي فات كنت مسافره لجدتي في الشرقية

كنت جالسه في الانتظار استنى ينادون على الرحله

طبعا وكالعاده رحلات السعوديه لازم تتاخر

علنو تاخييير الطياره ؟؟؟

قلت يلله خل اروح اشتري شي اكله واقرا المجله لين يجي وقت ا
لاقلاع

رحت واشتريت عصير وبسكوت

ورجعت لمكاني

واذا فيه ولد جالس جنبي وبيني وبينه الطاوله

لمهم بديت اقرا المجله والبسكوت على الطاوله اكل منه

مادريت الا الولد مد يده وبدا ياكل من بسكوتي

خييييييييييير وين يابو الشباب (اقولها في نفسي طبعا)؟؟؟

يمووووووووون هههههههههه

قمت أناظر فيـه بنص عين

والله وبدا ياكل وحده ورا وحده

وبديت اعاند و اسابقه


كل اكثر منه

وكل واحد ياكل اسرع يبي يخلص على الثاني

من جد شين وقوي عين

طرار ويبي ثوب كبك بعد

واشوف ولا هذي اخر حبه في العلبه

واسرع ابغى اخذها

ونمسكها سوا

ويجي ياخذها؟؟

يوم اخذها قسمها نصين وعطاني نص

اخذت النص واكلته

مون انا بعد

بعدين استوعبت

خيييير وش سويت زودتها ورجال غريب عيب علي

بس هو يقهر

يمووون خلص بسكوتي

المهم واخيرا نادو على الرحله وركبت الطياره

جلست في الكرسي حقي ووزعت المضيفه بروشورات فتحت شنطتي وحطيتها فيها

يوم فتحت شنطتي واتنننننننننخ !!!

تدرووون وش لقييت؟؟؟؟؟؟؟؟؟؟؟

لقيت بسكوتي /
وطلع البسكوت اللي انا اكل منه حق الرجال
انواااااااااااااااااااااااااع الفشيله؟؟
وش بيقول عني الولد مدري الرجال مدري من
بيقول زي ما كنت اقول عنه وش تبي ذي؟؟؟
واصكها نوووومه طول الرحله اخاف اقوم ويمر وانتححححححر من الفشيله


تحياتي
عثمان العريان

هههههههههههههههههههههه

وربي مررررره فشله انا لو مكانها ارجع بيتنا هههههههههه

يسلموو خيوو

انواع الأحراج الله لايحطنا بمكانهاااااا
يسلموو خيوووو

هههههههههههههههههههههههه

ويه فشله لو انا مكانه كان بموت من الاحراج

ههههههههههههههههههههههههههههههههههههههههه
من جد فشله..
.
.
.
.
.
وبروح اعطيه البسكوت الى كان معي ههههههههه