قيلت بمناسبة الزيارة الملكية لتبوك
جيت المخيم والمشاعر شجيّة
في محفل(ن) تلفيه كل القبايل
كل الفوارس طبّت القادسيّه
ومن لا يصول اليوم ماهو بصايل
و من لا تجيه بهالمواقف حميّة
عز الله إنه ما يجي منه طايل
ومن حق ربعي يا جماعة علّيه
إني أرد اليوم بعض الجمايل
ولاني مقابلهم على الشاذليّة
إن ما غلبت بكيلهم كل كايل
و أنا حويطي ماسك(ن) في يديّه
سلم الجدود الغانمين الأوايل
اللي لهم تاريخ ما فيه زيّه
بين البدو و أهل النفود الرحايل
كم راس للتركي غدا بضحويّة
للضبع تتلاها طيور الخمايل
دخيلهم مرتاح عينه غفيّة
و ما كان غازيهم ينام القوايل
ما يذبحون إلاّ سمان الرعيّة
و لا يركبون إلاّ ظهور الأصايل
روس العرب ما هم بها تابعيّة
ينبيك عنهم ذكرهم و الفعايل
و كم شيخ قابلته روى لي رويّة
عن فعلهم وقت السنين الهوايل
قال الحويطي من حمولة أبيّة
قلت وبلا حقران كل الحمايل
قال الحويطي ما يخلّي خويّة
قلت الوفا و الطيب زين الخصايل
قال الشهامة و الكرامة سميّة
قلت الشهامة من كريم الشمايل
نار الكرم تبقى على طول حيّة
مادام لحويط بظهرها سلايل
و اليوم ساد الناس كل البريّة
آل السعود معدّل(ن) كل مايل
على كتاب الله و سنّة نبيّه
ولا حد(ن) عن التوحيد يرضى بدايل
و جينا لاَبو متعب نسوق التحيّة
في محفل(ن) تلفيه كل القبايل
المخيّم ( ترحيب و افتخار)
العرض العادي
