من قاعك اتفجرت يابحر كل المحابيس

السلام عليكم ورحمة الله وبركاته
قصيده راقت لي اتمنى ان تروق لكم,,,,,,,,

[poem=font=",6,,normal,normal" bkcolor="transparent" bkimage="" border="none,4," type=0 line=0 align=center use=ex num="0,black""]
وداعة الله يـا حبـر القلـم والقراطيـس=وداعة الله يا روح الشعر والـف لا بـاس
وداعة الله يـا بحـر العقـول المفاليـس=مادام مالك مع اضدادك تشابـه ومقيـاس
اليوم تعلن حـدادك بيـن كـل النواميـس=واتأمل الغد يرثي غيبتـك شبـل نومـاس
قد كنت في ما مضى يابحر نور الفوانيـس=كم واحد ظل دربه وأنـت لهـداه مقبـاس
ما جف عذبك ومن عذبك سقيت الغطاطيس=كفك نديه وكف البخل يـا بحـر مفـلاس
من قاعك اتفجرت يابحر كـل المحابيـس=ماعاد به حول شطك ورد وأغصان يبـاس
لكن اشوف اعتلا نجم النفوس المتاعيـس=والكاهن الضال اشوفه حط للبـاب حـراس
وأصبحت أنا المتهم والكل حولي جواسيس=والله يرى خاينات العيـن إذا كنـت دلاس
لو كان بعض الاوادم يدحرون الوساويـس=ما شفت بصدور خلق الله وسواس خنـاس
ياكثر ما شفت فالدنيـا وجوهـا معابيـس=وانا مع الناس صادق قلب واحترت فالناس
إن خضت في عالمي ما شفت غير الاباليس=ما تُدرك الغاية اللي صاحبة عذب الانفـاس
لوكان لرضاة بابٍ حـط دونـه متاريـس=ما يدري إني بدون اقفال مرهف وحسـاس
اهل الهوا قالو إني كتلـةٍ مـن أحاسيـس=لكن حبيبي يقول إني بلا قلـب وإحسـاس
ازريت اساير عقول يبخصـون المقاييـس=ما شفت في رفقة الأيام من يضمد الـرأس
الله يعين الـذي مثلـي حياتـه كوابيـس=يعيش يومه وفي جسمة اثر ضربة الفـاس
لوكان لي قصةٍ تكتـب ببطـن الكراريـس=ما شفت فالمكتبات اليـوم ينبـاع كـراس
اكيد يوجد معـي فالحـب ثلـة مهاويـس=لكن بلا شك أنا اللي دوم فالحـب منحـاس
اصارع الوجد وآطى فوق رؤس الدبابيـس=كني عليلاً يعانق بالمـرض قمـة اليـأس
حصدت الأحزان واشعلت الضلوع المقابيس=حتى امتلا من همومي بالكدر خالي الكـاس
ما طاعني هاجسٍ يرسم طموحي تضاريس=وش ينفع اللي بناء للمجد قمة بـلا سـاس
من كذبة ابريل كم شفنا عقـولا ملاحيـس=وانأ بعد صرت كذبة في صدر كل مجـلاس
ليت العيون الذي تبكي فراقـي نواعيـس=واقول فـواز ينعـي بعـده اليـوم نعـاس
لكن ارى حول نعشي من يدق المروايـس=حتى صديق العمر يحمل في اليد مـراوس
ليت الزمن ينطوي واعيد وقت المشاكيـس=وسل سيفي ليا دقت على الحرب الاجراس
لكن وقتـي خذلنـي فالرجـال الاشاويـس=ما عاد به في زمان الشح رجـال نبـراس [/poem]
منقوله

نقل مميز ورائع


تحيتي لك

شـكــ وبارك الله فيك ـــرا لك ... لك مني أجمل تحية .
يعطيك العافيه

لك خالص شكري وتقديري يا مرسى الاحزان على القصيده المنقوله الرائعه

شـكــ وبارك الله فيك ـــرا لك ... لك مني أجمل تحية .

مرسي الاحزان

المشاركة الأصلية كتبت بواسطة عاشق مدين

نقل مميز ورائع


تحيتي لك

الاميز مرورك عاشق مدين
فشكرا لك

الاعزاء
(مشعل الغنامي)
(طليان المرادي)
(ابو محمد القرعاني)
اشكركم جميعا على المرور
ولاعدمت طلتكم البهيه
فشـــــــــــــــــــكرا لك

مرسى الاحزان


راقت لي لا عدمناكـ،


كل الشكر

المشاركة الأصلية كتبت بواسطة فيصل سليم الدبر

حياك يا بو ريان اسفرت وانورت
حي هالطله ولاعدمنها
وكل التقدير