قصة حياة الشــــاعر

عندما كان عسكري بالجيش وتفاجؤ بالنقل ولا يعلم الى اي
جهه ينقل . ولكن سمع ان الانجليز اغارو على واحة البريمي
والشيخ شخبوط اتفق مع الانجليز وطلب مساعدته لحمايته في
ارضه . واغارو على مركز الاماره بمساعدة الانجليز وصدق توقع
الشاعر في جهة النقل . وقال ..

[poem=font=",6,darkblue,normal,normal" bkcolor="transparent" bkimage="" border="none,4," type=0 line=0 align=center use=ex num="0,black""]

قصة حياة الشاعر اللي بنى القاف=تنقال لاهل الفن والمعنويه
كنا في الطايف على ريف وياف=البشت والكوت الخضر والغضيه
تشوف طراد الهوى وسط الاسلاف=تقول صقرا يلتقط له شويه
قالو تحضر قلت مالي بعازات=حاضر وجاهز على الطلب وين نيه
حزمت قشي وقمت قومه بنوماس=وايست من شوف الغضي قيد نيه
قال البريمي فيه دايس ومنداس=يابي مشاة الجيش والمدفعيه
وخلك مع الاجواد لعشت منراس=العمر يفني لا وتته المنيه
جانا لنا دوجا به العج محتاس=من صنعت الكفار ناره قويه
كلا يحمل شنطته بس وفراش=ويقوم يسئل وش معه من خويه
وكلا يوادع من له القلب ميلاف=وصار التجمع وسط وادي الحويه
قامت تلفلف مثل مزنا الى طاف=تجمعت من كل خوا ونيه
وجنك مع المنحوت تمشي بالاسلاف=وبارض الشرايع كل دربه فضيه
تلقى الدريول ماسك الخط مايخاف=يقول ماعطي الخط والخط ليه
ومرو ببيت الله ياسعد من طاف=مالك جميع الكون رب البريه
وجينا بجده سالمينا بلاخلاف=مراح ليله والطريق سفريه
وجينا المدينه شرف الله الاشراف= واللي سمع هالقاف يذكر نبيه
وجينا على الحره وخيبر والارياع=ارياع تتعب من ركب له مطيه
وحنا على زرق الحناتير فزاع=بالعز والنوماس والمعنويه
قواتنا تمشي الجبل كنه القاع=مدرعاتا على المعادي قويه
وجينا جريده رملتا وسطها قاع=الفرت غرز والشفر صار زيه
ماغير ابو صهيون بالخط سهاب=حديد صافي صمموه امريكيه
يمسك وينسف عند كاسب وكساب=والفرت جانا غير ثاني عشيه
وبعد ثلاث ايام للخط طلاب= نبغى تبوك النقطه الرئيسيه
جينا على حزما به البرد لهاب=وارياح تصفقنا على كل نيه
اللي استاجر بيت واللي بنا ذاك=واللي جلس بالبرد حاله قسيه
وبعد ثمان شهور بانت بحجات=احمد سعيد يقول وين الحميه
القاهره ضريت وتوها بغارات=ثلاثة دول ماهي عليكم خفيه
والشعب حر وله مع الحرب جولات=اشعل على الكفار ناره حميه
من عاش حاز المجد مرحوم من مات=ابطال بور سعيد العشيه
(ايدا) فشل وفرنسا جيشها مات=عاشت وحوش البر عيشه هنيه
و(جول جمال) اللي احرق السف مامات=بالهوب جنات النعيم العذيه
قالو تحضر قلت مالي بعازات=حاضر وجاهز على الطلب وين نيه
قالو على مقنى وقلنا بخيرات=العمر يفني والليالي بطيه
صرنا نصلح في خنادق ودشمات=ونقاوم اسرائيل بالمدفعيه
ولبد من يوما به الدم زخات=وسط الخليج وكل ياري خويه
نفدى وطنا بالارواح اللذيذات=وجيوشنا لمقاومه دايميه
واقف وزير الجيش يبعث بقوات=من دون شعبه والديار الزكيه
ومدام بن قريون يوعد ولا راح=حنا لها لما تحل القضيه
على دور ابو طالب شربتو لكو كاس= وحنا بدور اليوم نسقيك زيه
اذا اتحدنا على الوفا بدون لفات=وسرن على درب الرجال الوفيه
امه لها في سابق العهد وقفات=والكل يعلمها ولاهي خفيه
تحكم بشرع الله على صدق واثبات=وسنة نبيا حطم اتلجاهليه
اللي ختم كل الرسل والنبوات=صفوة قريش اللي حكم بالسويه
ولو ضحكت الايام بالظلم جولات=لبد من يوما تثور الحمه
واللي يهرب من الخطوط الخطيرات=هذا قليل الميز والمعنويه
نعلق اسمه عند صف المليحات= اللي تحوف البيت صبح وعشيه
يستاهلو لبس الثياب الخفيفات=مابرقو في الباينه والخفيه
وقايد لوانا ساهر الليل مابات=حمله يشيله والعزيمه قويه
بارز بنفسه بالخطوط البيحات=والامر يرجع للرجال الزكيه
ومساعده منصور زى الذيب لفات=شوفه يخل اللي عظامه قويه
والمعذره ياهل المعاني الجميلات=عن كل تقصيرا يسجل عليه
ماني بمتعلم بصحف ومجلات= ولا اكتب كتابي وارسله بيديه
وصلاة ربي على النبي كامل النور=اللي قضى على الفسق والجاهليه[/poem]

الشاعر/فــــرج بن محيســـن العمراني

صح لسان ابن محيسن

شاعر جزل وغني عن التعريف

وسلم من نقلها

صح لسان الشاعر بن محيسن