الخمال يواجهه دايم خمال

يا وجودي كل ما ضاق المجال
في عيون اللي عن احبابه مضا

سامح الله رجل معروف الخصال
ما توسد للمدايح واقتضى

الخمال يواجهه دايم خمال
والملام يجيك من ناس أمرضى

ما شرهت الا على بعض الرجال
وما كرهت رجال يوم الله قضى

لو يضيق الكون بصدور الشمال
شوفكم يرفع حجاجي للفضا

صاحبي ما جيت اروج للخيال
واحترامي بفرضه عاللي رضا

اعشق الطيبين وعيال الحلال
والردي جعله حطب نار ولظى

يكفي الله لحيتي شر القتال
ويصفح الله يالغلا عما مضى

قربوا الفنجال لخشوم الدلال
واتركوها تدَهر فوق الغضا

شاذليه كنّها دم الغزال
صبها للي يقودون النضا

خوف اسولف واتزهل للوصال
وينقطع حبل الموده والرضا

المراجل ما بها شك وجدال
والتواضع يرفع اللي به حظا

يعطيك الف العافيه
على الطرح الشيق
تقبل مروري
تحيااااااااااااااااااتي