يالله تبعدني عن دروب الزلل ’’’ وعن اللغا والزور ودروب السماج
الناس خلق الله من شعوب وملل ’’’ واطباعهم متخالطه عدل وعواج
يابو حمد وقف على راس الطلل ’’’ نظره اخيره كانك تريد الخراج
شفايفي يبست ولا ذقت البلل ’’’ ظميان مثل الهيم والميه هماج
إمن المحبه دكت القلب العلل ’’’ لجت جروحي والهوى ماله علاج
العام الاول ما شكينا من الملل ’’’ واليوم عكر جونا راع المزاج
اليا سألني قلتله : وين الخلل؟ ’’’ لا بش في وجهي ولا فل الحجاج!
بنيت له فيني عمارات وفلل ’’’ وحمست له كبدي على جمره وصاج
بار العميل....... وجعل يده للشلل ’’’ اللي حذفني غدر وبيوته زجاج
ماكنت له عز وذرى وقت الجلل؟ ’’’ وماكنت له بالليل مشكاة وسراج ؟
الحييييين يذكرني !! بعد شفت الكلل ’’’ لا ما أبي شوفه ولا شوف العجاج
المتقي في البرد........ تدفيه الحلل ’’’ ومهما يطول الليل تاليه انفراج
راع المزاج
العرض العادي
