ذهب

قصيدة ذهب لحامد زيد أعجبتني ونقلتها لكم.

يا كثر ما رافقـت خـلان وأصحـاب
وياكثـر مـا فـي شدتـي هملونـي
على كثر ما أعدهـم ستـر وحجـاب
على كثـر مـا احتجتهـم وتركونـي
من صارت الخوة ثمن حفنـة تـراب
نفس الوجيه اللـي نصونـي نسونـي
من غير ذكر عروق وفروق وأنسـاب
كانـوا ثلاثـة والثـلاثـة جفـونـي
علمتهـم كيـف الأهـداف تنصـاب
ولمـا سواعدهـم قـوت صوبونـي
عشاني أصغرهم عمر صاروا أحزاب
عشانـي أصدقهـم قصيـد ظلمونـي
اللي نجاح أسمـي زرع فيهـم أنيـاب
حتى النصيحة مـا بغـوا ينصحونـي
دام العطايـا عندهـم ديـن وأتعـاب
والله لو أطلـب ذنبهـم مـا عطونـي
طالب نصيحة كنـي مطالـب رقـاب
وهي نصيحة كيـف لـو زوجونـي
كنت أكتب لنفسـي مشاريـه وعتـاب
ولا أدري ان اللي قروني .. قرونـي
تضاربت من دونـي عقـول وألبـاب
واجد بغـوا غيـري واجـد بغونـي
أقفل هدب تسهر على شعـري أهـداب
كني حبسـت رقادهـم فـي جفونـي
لو شفتهم واحـد يشوفونـي أسـراب
من وين مـا لـدوا نظرهـم لقونـي
أثري وجودي بينهم محرق أعصـاب
ومزعل بعضهم من بعض لو طروني
يا كبري بعينـي وأنـا تونـي شـاب
وأهـم كتـاب الشـعـر حاربـونـي
حتى ولو يهوي على نجمـي شهـاب
يكفينـي أن اسمـي كبيـر بعيـونـي
قد قال أبوي إن هبتهم قول مـا هـاب
ولو يقدرونـك قـول مـا تقدرونـي
وما دام قبري محتضن راس مرقـاب
علـى قـد مـا تقـدرون ادفنـونـي
لو ماني بذيب نهشت عظمـي ذيـاب
ولو ماقدرت أثبـت وجـودي لغونـي
لو ماسكنـت وجيههـم مـت بغيـاب
لو ما عرفت أمحي ورقهـم محونـي
ما جيت أبدبل كبدهم شعـر وخطـاب
ليـن دبلـوا كبـد الـذي خلفـونـي
ياويل وجهـي كـن للدمـع مخـلاب
ما جف ماه وما استحى مـن طعونـي
كل ما طرالي منظر مريـب وارتـاب
كان الوحيـد اللـي يحـرك شجونـي
قبلة صلاة وذكـر وخشـوع وكتـاب
وأمي علـى سجـادة النـور دونـي
تدعي لي الله يفتـح بوجهـي ابـواب
تتوسلـه بالشـدة يـكـون عـونـي
مـن كثـر مـا خفاقهـا بالدعـا ذاب
صارت تحس إن زمـلاي كرهونـي
بشرتها يمه معـي ربـع وأصحـاب
مانـي لحالـي واجـد اللـي يبونـي
من يوم ما حاز قلمـي كـل الألقـاب
قلطتهـم فـي دفتـري وحفظـونـي
الله وهبني هـم بنـي عـم وأجنـاب
من يوم ما جيت أعجبتهم و أعجبونـي
وإعجابه فيني ما هـو بيـة إعجـاب
باسلوبي بشرحي بطرحـي .. بلونـي
لو قلت عن نفسي بشر صرت كـذاب
لو قلت دمـي مـن ذهـب صدقونـي
لو كيفهـم زرعـوا دربـي أعشـاب
لـو بيدهـم يتشبهـون.. شبهـونـي
من كثر ما صاروا من طبوعي قراب
حتـى بلبـسـة شمغـهـم قلـدونـي
واجد دعوني وأغلقوا من دوني البـاب
وكثار ناس أبكـي لهـم مـا بكونـي
لو طالوا لهدمي مناسيـب و أطنـاب
كان وغلاتك مـن زمـان اهدمونـي
ما دام حطوا فينـي عيـوب وأسبـاب
ذبحـت نفسـي قبـل لا يذبحـونـي
أنا يدي لو مـا كسـت متنـي ثيـاب
نذرا علي أقطـع يـدي مـن متونـي
مو عيب أجي مدعو ولا أشوف ترحاب
حرمـت أروح إذا يبونـي يجـونـي



منقووووول

أبيات جميله
نقل موووووفق

مشكورا لآتي الأول

يسلمو قصيدة ولا أروع

وشاعر مبدع

ومتذوق اكثر روعة

دمت بود






الذيب