بسم الله الرحمن الرحيم
اليف/ الفت المثايل والاشعـــــــار
من هاجسا بالقلب زادالتفكـــــــــــــار
البا/ بنيت بيوت وقصور وديــــــار
واصبحت لاهذي ولاذيك محتــــــــــار
التا/ تهيوا لي على الباب حــراس
والسور داير فوقنا ماله عيــــــــــــار
الثا/ثبت وشلت حملي لحالــــــــــي
واقول ياعمي لصانع وسفــــــــــــــار
الجيم/ جار الوقت والوقـــــت دوار
يارب تســـترنا ياخير ستـــــــــــــــــار
الحا/ حسبت ان لي معزه ومقــــدار
لكن ماشهدت صاحب ولاجــــــــــــــار
الخا/ خلاص اخيه من رفقــة اللآش
لترافق الا كل فارس من احـــــــــــرار
الدال/ دارت بي عقب ماتعليـــــــــت
والامر بيد اللي كشف كل الاســـــــرار
الذال/ ذللني نصيبي وذليـــــــــــــــت
والصبح يمحي الليل لاشرق بالانــــوار
الرا/ رموني بين جدران وشبــــــوك
ومحقق وجلاد ماتفيد الاعــــــــــــــــذار
الزا/ زرع ربي بقلبي عزايــــــــــــم
اللي حفظ يوسف من افعال الاشـــــــرار
السين/ سجن وخمسة سنين عديــت
صابر كما صبر الرواسي على النـــــــار
الشين/ شفت اليوم كلٍ شنانـــــــــــي
عقب المعزه ياهل المجد والكــــــــــــــار
الصاد/ صدو عزوتي ثم صديــــــــت
والحب ضاع ولابقا غير تذكــــــــــــــــار
الضاد/ ضني بالذي له توضيـــــــــت
اللي يبدل ظلمة الليـل بانــــــــــــــــــــوار
الطا/ طويت اللي مضى طي وانهيـت
عسى الليالي المقبلـــه طيب وازهــــــــار
الظاد/ ظو يبين في داخل البيـــــت
وان شافته عيني ينور لها الـــــــــــــــدار
العين/ عيني ماتنام الليالـــــــــــــــي
والقلب يتقلب مع كل تيــــــــــــــــــــــــار
الغين/ غمه زاحها مرسل الغيـــــــم
واحيا هشيما يابسا وسط الاقفــــــــــــــار
الفا/ فلالي غير حفظ الجمايــــــــــــل
للي تحدو للمشاكــل والاخطــــــــــــــــــار
القاف/ قامو لي بعزٍ وتثبيـــــــــــــــت
لما وصل للسجن من ودا الاخبـــــــــــــــار
الكا/ كتمت السرفي قلبي اخفيــــــــت
ولاكشف ســـري محقق وجبــــــــار
اللام/ لموني عقب ماتمثنيـــــــــــــــت
اللي من اول ياصلونـــي بتكـــــــــــــــــرار
الميم/ ماكثرهم وماكثر عددهـــــــــم
لكن ضاعــــوا وانتهت كل الاخبــــــــــــــار
النون/ ندعي لبايق العهد بجنـــــــون
الله يضيع نور عينـــــه والابصــــــــــار
الواو/ وان جا تالي الليل ونيــــــــــت
وياما تذكرت اللي على العهـــــدصبـــــــــــار
الها/ هانت وانتهت ثم تهييـــــــــــــت
للي لهم بالقلـــب منـزل ومقـــــــــــدار
اليا/ يقول ابو محيسن تمنيـــــــــــــت
ساعة هنا من عقب ساعــــــات الامــــــــرار
ارجو ان تنال اعجابكم و استحسانكم
منقول
الفية الشاعر فرج بن محيسن العمراني
العرض العادي
