[poem=font=",6,darkblue,normal,normal" bkcolor="transparent" bkimage="" border="none,4," type=1 line=1 align=center use=ex num="0,black""]
نوب اقول انه طرى لك من بعدنا ثاني=واتراجع يوم تطري دمعة ٍ تسكبها
ونوب اقول انك تسوينه معي بالعاني=غاليه قامت تغلا من غلا صاحبها
ونوب احس انكم طلاسم كلها تخفاني=ماقدرت اسبر خفاها ولاعرفت احسبها
ونوب احس انك ضحيه والزمان الجاني=الزمن جاير عليها وحظها متعبها
ونوب اقول اني بروح ويكفي الي جاني=واطوي حبال الموده وارتحل واخربها
لازم ارحل واتناسى مثل ماتنساني=ماني مكمل معاها ولاني مصاحبها
واتعزوى بالقصيد وخالي وعمّاني=وخيّب الله لحيتي لو خيّبت شاربها
والبلا اني لاذكرته والغلا ناداني؟=اسبلت بالدمع عيني من غلا غايبها
وجد قلبي لاذكرته والغرام اشجاني=مثل وجد الارمله لامن طرى شايبها
وانا رجال ٍ عزيز وعزتي تنهاني=لوحياتي في يديها ماقدرت اطلبها
والله ان قلبي عليها مشرّع البيباني=كل عرق ٍ من غلاها بيتها وملعبها
هذي اهجوس ٍ تجيني تمشي بشرياني=ماقدرت اصبر عليها قلت عاد اكتبها
[/poem]
بيتها وملعبها
العرض العادي
