شطحتين

الشطحه الاوله

اهموم تلعبيّ سوات الكراتيه
واسج شرق و غرب واضيع واتيه

اذا وجودي في حياتك كمالي
اخلي سبيل عناد لا لا تحاتيه

واذا وجودي بس لعبه وديكور
خوذي المحبه لكن القلب هاتيه

لازم تعرفين الهوى وش مصيره
وكل قلب تعطينه محبه تواتيه


الشطحه الثانيه

العمر في حياة البني آدم مثل غصن ٍ خضر
والزمن ازمة المستحيل وكذبة ٍ مستهلكه

والتفلسف عقيدة بشر من بادية او من حضر
والخيانه خطيئه تكابر في دروب التهلكه

والصراحه تناقض مبادي مصطلح غضَ النظر
والخرافه شبح فيسلوجي والتمصلح صعلكه

والامل شمعة اليأس و اصل القاعده بالنفع ضر
وانسجام الاماني وقاحة فكر ما لا نملكه

والشعر هو غذاء ٍلروحي لو نفذ قمت احتضر
والشعر له حصانه وتاج وكبرياء ومملكه

اعترف ذنبي اني فقط غايب وغيري قد حضر
ما يهم الرجل ! المهم ! مايذخره ويسلّكه

لختراق العقول الذكيه برمجه تحت الحظر
والخيار الاخير انكتب في درب ضايع مسلكه

شاعرنا الكبير / عناد الرواد
صح لسانك و بالفعل انت من اجمل الشعراء مفردة و فكرة
و الجزالة لا تستغرب من اهلها
دمت بابداع

صح لسانك اخوي عناد