يا ما ضحكت بدنيتي ضحكة أفراح=ويا ما بكيت من الفرح بعد الأحزان
ويا ما ذرف دمعي على خدي نضاح =ويا ما نشف لحظه على كف الأوجان
عيني جفاها النوم أيام وأنزاح=باتت سهيره تنشد أحوال إنسان
إنسان غالي نوره في قلبي صباح=نبض يحرك خافقي ودم شريان
في ليلة عشنا بها هم وأتراح=بنيتي فيها الألم بات سكان
شعاع بالدنيا كما الصبح وضاح=عانت ظروف تلفها تشدها ألوان
غطت براءة حسنها أتعاب وصياح=على سرير فاقدٍ حب وتحنان
صارت كما ورده نفحها غبرة ارياح =وارتجينا ربي يجلي عنها ما كان
بدعوة صادقه بسجدة وإلحاح=وجمعنا مع علاجها سنه وقرآن
رحلة ألم تمت أيام ما ترتاح=تشكي ببكاها لأهلها ورب الأكوان
قليبي هذي وأحلى من كل الأفراح=فرحه بزماني تشعل آمالي وتبان
سميتها شجون يوم طيفها لآح=بعد الشفا سميتها شعاع الأكوان
لا من نظرت عيونها ارتاح وارتاح=كنها مطر أسقى ورود في بستان
يوم شفاها الباري نسرينها فاح=والكل بارك لي والكل هنان
الحمد لك يا ربي يا مبدي أرواح=يا واحد تجزي الصبورين الإحسان
واختامها أذكار بها المسك فواح=على النبي التسليم مع صوت الآذان
أداء : أسامة السلمان - محمد السلمان
كلمات : نسيم الليل
%~يا ما بكيت من الفرح بعد الأحزان..كتبها في ابنته{شعاع الاكون} ~%
العرض العادي
