ليت الورق يقرا وش اللي كتب فيه..
وليت القلم يدري وش اللي جرى به..
الغايب اللي يغري القلب طاريه..
ماقل قدره لو يطول غيابه..
والشعر لو يفقد حروفه وأساميه..
مدري وش اللي بعده ينبغي به..
احترت بين اعتب عليه وأراضيه..
أخاف لايجرح رضاه بغيابه..!
أحيان أقول أبيه.. وأحيان ماأبيه..
إلا أبيه ولو يبي لي عذابه..
يااللي تجونه دامني ماقدر أجيه..
وصوا(ذهابه) لايشح (بأيابه)..
وقولوا له إني من كثر ماني أغليه..
أشرب سرابه وأرتوي من سرابه..
وعلى كثر مانسى إذا قلت ناسيه..
دار الزمان وجاب عشقه وجابه..
ان لمت قلبي عاقبتني محانيه..
وان قلت بأرضى عز نفسي رقى به..
البارحه كنت أكسر الروح وانهيه..
كان الورق أرض وعيوني سحابه..
زرعت (ماأحبه) ولاعاد لي فيه..
وجنيت(أحبه) لو يطول غيابه..
مع حووووووبي ,,
الغاآإآإآإآإآإيب
العرض العادي
