العين تبــــحر فوق موج حزيـــــني ٍ

السلام عليكم ورحمة الله وبركاته


ليلي بحر والموج به وجد عينيٍ
....................والعين مركب والسهر فوقه شراع
العين تبحر فوق موج الحزيني
.....................ليلي وعيني والسهر دايم صراع
في غيبته مايوصف الي يجيني
................الروح ترجف خوف من بين الأضلاع
بحره ظلام ولو احرك ايديني
.......................ماشوفها كن النظر فيه مناع
من سبته صارت تقلب سنيني
......................سود سنيني مابها لمحة شعاع
يبين في وجهي ملامح حنيني
.....................من شافني بيقول مسكين ملتاع
_____________________________________________

يلي تعذر عذرك اليوم مرفوض
..........................كلامك المعسول بالله وزه
وفر كلامك بيننا الود مرفوض
.........................حتى جوابك وفره لاتدزه
نويت هجراني ولاانته بمحفوض
.....................اذكر كلام الغدر في كل حزه
العام قلبي من محبتك ممروض
...................واليوم دون الحب حطيت رزه
بعد الموده صرت بالحيل مبغوض
..................معاد لك في القلب عندي معزه
برسل جوابي لك وحرفين ملحووظ
......................حتى وسيطك لاتحاول تكزه
بيحت سد بيننا كان محفوظ
......................والقلب مايسمعك لاتستفزه
قلبي بعد فراقك ياشوق محظوظ
.....................هومن نفاك ولاتحاول تهزه

بقـلمي / تحياتي

اختي ريم اشكرك علي هذا الابيات المميزة ونتظر المزيد ودمتي

الكايد
اسعدني مرورك ونورت متصفحي

صح لسان ياريم الحويطات
بانتظار جديدك

تحياتي لك

جميل هذا البوح الراقي وبدايه موفقه بااذن الله ننتظر الجديد

ريم الحويطات


صح لسانك وجاد بيانك

قصيده جزله وجميله

في نفس الوقت

الله يعطيك العافيه


{تحيتي وتقديري}

يلي تعذر عذرك اليوم مرفوض
..........................كلامك المعسول بالله وزه
وفر كلامك بيننا العهد مرفوض
.........................حتى جوابك وفره لاتدزه
نويت هجراني ولاانته بمحفوض
.....................اذكر كلام الغدر في كل حزه

كلام جميل ............ تحياتى لكى

اسعدني مروركم جميعا دمتم بود لكم الف تحية