أهـز جـذع المسافـة ويتساقـط مــدى ..

أهـز جـذع المسافـة ويتساقـط مــدى
أهز جـذع القصيـدة ويتسـاقـط نخـيـل

تزهـر يدينـي أحـس انـه طريقـي بـدا
واقول حيـا علـى هـذا الفـلاح الجميـل

أبـدا بتجهيـز اوراقـي ، وقطـرة نـدى
أشوفهـا مـن علـى خـد النوافـذ تسيـل

آخذ معي كل مايخطـر فـي بالـك . عـدا
ثوب ٍ تركتـه معلـق فـي جـدار ٍ هزيـل

تبكـي الستايـر تنادينـي .. أرد الـنـدا:
عمر الشقي ياستاير - لاتخافـي - طويـل

أودع البيـت ، ياجـدران طيـن وصـدى
من كان مثلي رحيله أرض وارضه رحيل !؟

أسير حافي قدم .. دربـي ضـلال وهـدى
وجهي سحاب وظما .. صوتي نواح وعويل

أقطـع مشاويـر تقطعنـي بطـيـب وردى
واصير انـا الهيـن الميسـور والمستحيـل

وليا لقيـت الطريـق اللـي مشيتـه غـدى
قصير مثل الفرح .. مثـل الليالـي بخيـل

.. أهـز جـذع المسافـة ويتساقـط مـدى
أهـز جـذع القصيـدة ويتساقـط نخـيـل




الشاعر / فهد عافت

الله على الاختيار

الجميل ابو بتال

صح لسان الشاعر


وسلمت يمناك ع النقل


كل عام وانتم بخير

أقطـع مشاويـر تقطعنـي بطـيـب وردى
واصير انـا الهيـن الميسـور والمستحيـل

أختيار ولاأروع يالذيب
يعطيك العافية

.. أهـز جـذع المسافـة ويتساقـط مـدى
أهـز جـذع القصيـدة ويتساقـط نخـيـل

صح لـسآن الشاعر ..
ذووق عجيب يالذيب
لاهنت..

أقطـع مشاويـر تقطعنـي بطـيـب وردى
واصير انـا الهيـن الميسـور والمستحيـل

وليا لقيـت الطريـق اللـي مشيتـه غـدى
قصير مثل الفرح .. مثـل الليالـي بخيـل


فهد عافت شاعر مميز جداً صح لسانه

ذيب الشوامين

كل الشكر على هذا الآختيار الرآأآئع

دمت بإبداآأآع