تكفا ترى تكفى تهز الرجاجيل

( تكفى ترى تكفى تهز الرجاجيل )



بيت مشهور من أكثر القصائد التي كثر اللغط حولها وتداولها بعض الشعراء في بعض قصائدهم ونسبوها لهم والحقيقة تقال إنها للشاعر العذب :

محمد الدحيمي الشهري المعروف بــ ( أخو تكفى )


اليكم القصيدة بمحتوى البيت السابق.






اما لطمنا العيل والا ألطم العيــــــل .......... مادام شب النار مندوب الاطفا


من ذاق حر القايله يعشق الليـــــل .......... ومن شب ضوه ليلة البرد يدفـا


امسيت في جيلٍ ولاهوب ذا الجيل ......... واصبحت والا ديرتي شبه منفـا


واللي حما بيته بطيـرن ابابيـــــل ............ ماجيت ادور كل من صد واقفا


ولاجيت ابشحذ يانما دلّه وهيـــل ............ جيتك وجرح الظلم غاديه يشفا


جيتك بكلمه كنها صعقة الــويـل .............. ان قلت تكفا لاتهـاون بتكفـــا


تكفا تراها كلمةٍ تقطم الحيــــــل ............ لابالله الا تنسف الحيـل نسفــا


تكفا ترا تكفا لها هدرة السيــــل ........... في صدر حرٍ ينتف الطيب نتفـا


تكفا ترا تكفا لها تسّرج الخيـــل .......... ان كان لك في مجمع الخيل عسفا


تكفا تراني من قرومٍ مشاكيـــل ............ حماية الساقه بسيـفٍ وشلفــــــــا


تكفا وتكفا ماتسـاق لمهابيـــــل ........... تكفا تخلّي القرم لاشٍ وهطفـــــــا


تكفا ترى تكفا تهزّ الرجاجيـل ............ لولا صروف الوقت ماقلت تكفا

منقول

تسلم خيووو عايض

رائعه رائعه

اي هذا القصيد وهذي الجزاله والمعاني

اسجل اعجابي بهذه القصيده وكل بيت احتوته

صح لسان قايلها ولا هنت عايض على هالاختيار الطيب

أبيات رائعه
تسلم يمينك وصح لسان شاعرها
تحياتي

كلمات روووعه
يعطيك العافيةعلى النقل
في انتظار جديدك ..