تجيني طيف يا عمري على جنحان شوقي لك !!

تجيني طيف ياعمري على جنحان شوقي لـك

أخاف أرمش من عيوني وأبعثر صورة وصالك

حبيبي لاتجيني قول .وين أنت..وأنـا أجيلـك

أبيك تقول..وين أنت وعلى عيوني أنا اسعى لك

وربي فوق روس الشوك اخلي القلب يمشيلـك

واخلي ظلالي يسبقني قبل يحضنـي منزالـك

ثواني بس أب اتهندم مـن عيونـك وباهديلـك

في عينك ضحكةٍ حتي تكحـل عيـن عذالـك

يقولو الناس بغيابي تشـب القلـب ويضويلـك

حنيني ومن وهج شوقه يميـل القلـب لامالـك

قضى دمعي من عيوني أبي من عينك ابكيلـك

ابنثر من ورى عيوني دموع عيـون ترحالـك

تعبت اهرب من الأشيا البسيطه من تفاصيلـك

تعبت اسأل زوايانا عـن اول واخـر أحوالـك

وحتى الشوق من صبح الدرايش قـام يهديلـك

عصافير الرضا ترفرف على بيبـان مدخالـك

هنا ترمي صباح الخير قبل تـروح وأدعيلـك

وهنا تضوي مساء الخير في عيني من هلالـك

انا من الليل يقطفني شعـوري لـك واغنيلـك

أنا من الصبح ليلني الحزن من لـون موالـك

حرام الليل ماهو ليـل اذا ماكنـت فـي ليلـك

وحرام الصبح ماهو صبح اذا ما كنت بظلالـك

تروح وقلت احط روحي على كفي واناديلـك

نزعت العمر من شفت الغلا بالـروح نادالـك

بربك قول و ش سوى الفراق بوجـه منديلـك

تسيل الوان طيفي فيـه الا مـن البكـا سالـك

حبيبـي لايبكيـك الفـراق ولا يهـد حيـلـك

أخاف الدمع من عينك يجفف صورتـي فبالـك

تعال احتاج اسولفلك عـن الايـام و أشكيلـك

وافض غيم الحزن و انثر حنين الشوق بأقبالك

تعال وحط في قلبي همـوم الفرقـا وأشيلـك

لأن القلب ماهو قلب اذا في نبضـه ماشالـك

وقف دمعي من عيوني ابي من عينـك ابكيلـك

أخاف أبكي من عيوني وأبعثر جيـة وصالـك

‫الطيـف ~ سالــم سيــار‬‎ - YouTube




الشاعر / سالم سيار

تجيني طيف ياعمري على جنحان شوقي لـك

أخاف أرمش من عيوني وأبعثر صورة وصالك

حبيبي لاتجيني قول .وين أنت..وأنـا أجيلـك

أبيك تقول..وين أنت وعلى عيوني أنا اسعى لك

الله عليك يالذيب قصيده ولاأروع
صح لسان الشاعر سالم السيار
وسلمت على هذا النقل المميز
تحياتي

يقولو الناس بغيابي تشـب القلـب ويضويلـك

حنيني ومن وهج شوقه يميـل القلـب لامالـك


تقبل مـــروري

دمت بود

أسعدني الوقوف هنا كثيرا...
حروفك كانت مليئة بالأحساس الذي لا يشبهه احساس ..
كلمــآت الشكــر تقف عآجز أمآم روعــة حروفكـ ..
فحروفك أخذتنــي معهآ .. وأسرنــي نقلك المتمــيز ..
تقبل مروري المتواضع
بين سطورك الرائعة
موودتــي لكـ

تعبت اهرب من الأشيا البسيطه من تفاصيلـك


تعبت اسأل زوايانا عـن اول واخـر أحوالـك


رائعه هذه المعزوفه والاكثر من رائع هو ذوقك الرفيع
وهذا ماتعودناه منك ياصحب الاحساس المرهف
مشكور اخى وتقبل مرورى
دمت بخير

http://www.engn-helal.net/vb/mwaextraedit4/extra/69.gif

قصيده معبره ذوق رائع
وأختيار موفق
يعطيك العافيه أخي
ذيب الشوامين

آإبيآإت بقمة إلروعه

تسلم آإنآإملك ع ألطرح
آلله يعٍطيك آلعآفيه
شكري