قصيده القيتها في حفل زواج ابن العم موسى ابراهيم الهطيعي أتمنى أن تنال الإعجاب
[poem=font=",6,darkblue,normal,normal" bkcolor="transparent" bkimage="" border="none,4," type=1 line=1 align=center use=ex num="0,black""]
الليله الي تجمع الناس بالناس=ليله تميّز عن كثير الليالي
ليلة محبه واجمعتنا على ساس=غالي ولبّى دعوة انسان غالي
ماجابته دعوه وحبر ٍ وقرطاس=من دوّر الاعذار يلقى مجالي
ماجابه الا دافع شعور واحساس=إن المعزه للرفيق الموالي
في عرس موسى وبارك الله بالاعراس=ألي تلم الناس من كل جالي
ويامرحبا ترحيبة ٍ دون مقياس=واغلى من جنيه الذهب والريالي
باسم الهطيعي طيّب الساس والراس=من روس ربع ٍ يحتمون التوالي
ربعي نهار الضيق والضيم والباس=مافيهم الي عن حياته يسالي
كالزير سالم فالملاقى وجساس=ولاقول زدنا عن جميع الرجالي
الناس فيها مختلف ناس واجناس=وكل ٍ مضى له بالسنين الخوالي
يوم السنين عجاف والوقت حساس=والناس عميانه ومن غير والي
واليوم زان العيش حتى للابساس=في ظل ابو متعب بعيد المدالي
ماغير دله بالمجالس ومحماس=واليا سرى الرجال يسري رفالي
نعمه عظيمه مالها حد وقياس=عقب اطمئن الناس والهم زالي
الخير عم وراعي الشر ينداس=والطيب له ناسه على كل حالي
ولو كان راع الطيب له زيّ ولباس=لبسه فنيله فوقها ثوب بالي
لقيت ربعي لو يعيشوا بتكساس=مالبسهم غير الثياب البوالي
أعيذهم من كل وسواس خناس=همه يفرقهم جنوب وشمالي
وصلاة ربي عد زفرات الانفاس=وعداد من سوّى حرام وحلالي
على نبي ٍ للمسلمين نبراس=قوله . ولا من بعد قوله مقالي
[/poem]
صح لسانك اخي القديرالشاعر / فهد المشهوري على القصيده الجزله القويه المليئه باالمعاني وتنقلت فيها في اكثر من مرحله وكل مرحله من مراحلها يطول الشرح عنها فيها من القيم والمبادي المقارنه بين وقت مضى ووقتنا الحالي والفخر الذي في موقعه والممدوحين يستحقونه والله والف نعم فيكم ياالمشاهير .
وكل بين في القصيده عن قصيده ولكن اختر جانب منها .
الله يعطيك العافيه ياابوعبدالعزيز..
تقبل مرور اخوك .
صح لسانك اخي القديرالشاعر / فهد المشهوري على القصيده الجزله القويه المليئه باالمعاني وتنقلت فيها في اكثر من مرحله وكل مرحله من مراحلها يطول الشرح عنها فيها من القيم والمبادي المقارنه بين وقت مضى ووقتنا الحالي والفخر الذي في موقعه والممدوحين يستحقونه والله والف نعم فيكم ياالمشاهير .
وكل بين في القصيده عن قصيده ولكن اختر جانب منها .
الله يعطيك العافيه ياابوعبدالعزيز..
تقبل مرور اخوك .
شاعرنا الجميل محمد البياضي
كل الشكر لك على هذا المرور العاطر والذي يترك اجمل الاثر في النفس
الاخ الغالي الشاعر فهد الحويطي
صح لسانك و يستاهل مشاهير الطيب و الرجولة المدح و الثناء
و اشكرك على امتاعنا بهذه القصيدة الجزلة التي ترفع الراس
و العلم الغانم و الاصالة عادتكم كابرا عن كابر
ليــــــلة محبــــــه
العرض العادي
