أبد لاتسألين بغربتي عن آخر الأخبار !!

أبد لاتسألين بغربتي عن آخر الأخبار
عمت عين السفر دامي أذوق المر من كاسه!
،,
أنا اللي بسألك قولي.. جواب بكلمتين صغار
بلد من دونك(اش) يسوى بعيني؟ يابعدناسه
،,
حقيقه ما أطيق البعد لو هو بيننا أمتار!!
ولكنه الفراق أقوى ولاينفع به سياسه
،,
ترى لولا اتصالاتك .. برغم اللي يدق.. كثار
حشى مافيه أحد غيرك يرد لصدري أنفاسه
،,
ألاياشوق خفاق ٍ ضويتي ظلمته أنوار
وصار اليوم ينبض لك مشاعر حيييل حساسه
،,
تبي تدرين بفراقك معي يا الغاليه وش صار؟؟
تبي تعرفين مجنونك وش اللي قالب ٍ راسه؟؟
،,
لك الله عايش بحالي/ لحالي.. شاعر ٍ منهار
وأنا كل ما طريتي لي صرخ شعري بقرطاسه!
،,
يمر يومي.. ولابه غير همي والحزن زوار
عسى الله يرحمه حال ٍ غدا هالثنين جلاسه
،,
شحن جوالي أنهيته!! أقفّل .. وافتحه أمرار!!
قسم لولا رسايلنا .. حبيبك قاتله ياسه!
،,
على برد السنه هذي ذكرت المدفأه والنار
وشال من الفرو كل ما لمس يد صاحبه باسه
،,
فقدتك والدمع لامن ذكرتك يفضح الأسرار
ولا أشره على وقت ٍ به الأيام دساسه
،,
أسلي نفسي بكثر الأماني.. واليدين قصار
وأنام وربي العالم وش اللي خاطري حاسه!!!
،,
كأني من ملك أسهم يبي تضحك له الأقدار
وقدّم كل ماعنده.. وفجأه أعلن إفلاسه!!
،,
كأني طالب بغربه.. تذكّر عيلته والدار
وهو كل ماذكر أمه! ملا هالدمع كراسه
،,
أعاني كثر ماتملك ومالك بالحشى تذكار
و(أحبك) والبلا حبك أبد ما أملك قياسه
،,
جعل في داخلي عرق ٍ سمع بك يا الغلا ماثار!
يموت.. و وش لي بعرق فوصالك ميت إحساسه.
،,
حياتي تسأليني عن جديدي بالشعر وأحتار؟
وشأكتب لك شعر وانتي غديتي اليوم نبراسه!
،,
ولكن أوعدك شعر ٍ لاقوله يتعب الشعار
متى ماشفتك وموعد لقانا دقت أجراسه
،,
لأن مافيني أتحمّل بعادك في سفر وانهار
عسى لايعيدها سفره.. ولو هي كانت دراسه!!!

الشاعر / عبد الله الظفيري

الله روعه يسلم ذوقك يالذيب لاتحرمنا جديدك

أنا اللي بسألك قولي.. جواب بكلمتين صغار
بلد من دونك(اش) يسوى بعيني؟ يابعدناسه
ابو بتال
انتقاء راقى ومميز
تسلم الايادى

يعطيك العافيه
كلمات في قمه اروعه والجمال

مافيني أتحمّل بعادك في سفر وانهار
عسى لايعيدها سفره.. ولو هي كانت دراسه!!!



رووووووووووووووعه
سلم لنا ذووقك

ماشاء الله عليك يالذيبـــــــــــــــــــ ,,,,,,,,,, مبدع كعادتك

[align=justify]
كل الشكر لمروركم العطر ..
اسعد الله قلوبكم ..









الذيب
[/align]

كلمات في غاية الروعه
يعطيك العافيه علئ روعة النقل
لاخلا ولا عدم