وش فيك ذابل يابعد عين مغليك.

وش فيك ذابل يابعد عين مغليك=أدري أنا بكيت عينك ياعيني
وقف هطول الدمع وأسمع محاكيك=ناظر عيوني وأبتسم ياضنيني
قوم وتقوم أقوام في قومتي ليك=ويفوح ريح العشق بينك وبيني
ولاترى بترك مكاني وباجيك=وأخذك في صدري ولوماتجيني
وأبوس راسك والتمس راحة ايديك=أبيك راضي لاتضيع سنيني
بكره يقولون العواذل مبكيك=وأهل الهوى باصير منهم مديني
تبي الصراحه وأنت تبكي شفاتيك=زادو حلافوق الحلا ذابليني
لو أني دموعك حشى ما أخليك=لو أني أحزانك تركتك غبيني
ولو أني الفرحه بقلبك أبديك=ولو أني الشوق بوصالك أبيني
ولو أني الو التمني بعاديك=وأعيذ مني لاتركتك حزيني
تدري وش اللي يذبحن في معاليك=في بسمتك سنٍ تلالا حسيني
تقول عذروبك وهو ميزتٍ فيك=محلا عذاريبك ولاهو بشيني
بتغيب ياخي غيب ماني بناسيك=بنقش حروفك كلها في جبيني
بيشوفها كل البشر مع أهاليك=وأخوك لاثار وذبحني أدفنيني
وصيتي هذي رمال وأياديك=ودمعك وقبري بعدها ودعيني
مسموح لك عاشر حبيبٍ يسليك=والقلب ميت بالكفن سلميني
زعلان للحينك ؟بجيك وأواسيك=وأعاتبك وأنتي بدلع تحضنيني
تعال في صدري ياحيي أراضيك=مابيك تبكي لو تضيع سنيني

يسلمو اختي قمر الشمال

ننتظر جديدك

تبي الصراحه وأنت تبكي شفاتيك=زادو حلافوق الحلا ذابليني
لو أني دموعك حشى ما أخليك=لو أني أحزانك تركتك غبيني
ولو أني الفرحه بقلبك أبديك=ولو أني الشوق بوصالك أبيني
................................................................
بتغيب ياخي غيب ماني بناسيك=بنقش حروفك كلها في جبيني



رووووووووعه تسلمين
دمتِ لاحبابكِ

قمر الشمال
ابداع ماسطرته اناملك
يسلموووووووووووو

دكتورتنا الحنونة

قمر الشمال


ذائقة شعرية رائعة

وأختيار موفق


كل الأحترام والتقدير