يا صوتك اللي لا سمعته تعافيت . .
من علة ٍ في القلب سبة غيابك !
كل ما تغيب أكثر .. في حبك تماديت
لين الذي ما قد سمع بك.. درى بك !
لامن طريتك دون مشْعر .. تفدّيت
بان الألم فيني .. و لذة عذابك
و ان جيتني في النوم .. دندنت و غنيت
ليت الذي ودّاك يازين جابك
لا تحسب اني بعد فرقاك حبيت
قلبي الوفي لازال حاسب حسابك
الليل .. و شموعك .. و اغانيك .. و البيت
ما فارقوا بالي .. و لا الهجر عابك !!
جيت المسا زاير .. و يا ليت ما جيت
لكن مصيبه لا غدا الباب بابك !
حسيت بوجودك .. ولا كنّي حسيت
حتى ف حضورك .. صرت احس بغيابك !
يا صوتك اللي لا سمعته تعافيت
العرض العادي
