أحمد آل الحارث
حياتي ما خفاك الحال عذاب وهم وضيقة بال
أعيش بغيبتك مجروح وبعدك حيل يضنينـي
خذك وقتٍ قسى من يوم حبيتك وليلـه طـال
وعشت احبك اكثر من هلي واسكنتك بعينـي
نعم يا حب عمري يا بعد كلي بريـت الحـال
نعم وانت الوحيد الي قضت لعيونه سنينـي
تجيني في خيالي طيف يحكي لي عنا الترحال
اذا مريـت فـي بالـي تموتنـي وتحيينـي
سكنت بخافقي ما كنـك الا العـود والمـوال
تعذبني مواجع غيبتك وان جيـت تشفينـي
احسب اني نسيتك واثر حبك والغـلا مـازال
بقلبي واسمعك لا غبت عن عينـي تنادينـي
اسامر صورتك والدمع من عين الشقي ينهال
ولو غابوا جميع الخلق تبقى عايـشٍ فينـي
حياتي لا غدا وقتي عذاب وهم وضيقة بـال
ترى ما غيرك من الناس يا عمري يسلينـي
الــعــود والـــمـــوال،،،
العرض العادي
