مساء الورد .....
قصيده اعجبتني جدااا فااحببت ان انقلها
عهـدي بهـا قبـل تلبـس[ عبايه].
وأنا بعد قبل لا ألبس شماغ و عقـال=
طفلين نتهجـى حـروف الهجايـة ..
الله ياماأجمـل سواليـف الأطفـال ..
كانت لنا في كـل شـارع حكايـة..
وكنا نقـول علـوم ماهيـب تنقـال !!
وكنت أتقاسـم معاهـا مـا معايـة ..
من([عسكريم التوت للعلك ابو ريال..
وكانت بعكسـي شاطـرة بالقرايـة ..
تقراء جـزء عـم وطـه والأنفـال..
وأنا لكـالله مـن مـواري غبايـة..
مدري أبو نقطه هو الذال أو الـدال ..
وكانت لأبوية تشتكي مـن شقايـة..
وتعلمة كيف أربـط البـاب بحبـال..
ياما على ظهري كسر من عصايـة..
يقولي : خلك وأنـا أبـوك رجـال..
وأمي تقول :أدع لولـدك بالهدايـة..
خوفي تصيبة من كثر الضرب بهبال
وأنا لا شفتها من أول الدرب جايـة..
مدري انا الي ملت او الدرب مال؟
أحس قلبي يرتجـف في حشايـة ..
ماكنة إلا ضيـف لا هـز فنجـال..
ياما من ([السعلو]) تخبـت ورايـة..
لا خوفوها فية ثم شافـت ضـلال ..
تقـول: خلـك [ يا حبيـبـي ] معـايـة..
وأستانس ألعب عندها دور الأبطـال..
وأغار حتى مـن عيـون أصدقايـة..
لا طالعوها قلت :تكفوووون ياعيـال..
تحيااااااااتي
من عسكريم التووت.......إلى علك أبو ريااال
العرض العادي
