هذه قصيده من جديد سعد علوش سمعتها قبل فترة قريبه واعجبتني بما تحمل من معاني
الناس مع الناس قضاية وطر
...... والكل قيمه ما يجيه من احتياج
واول سطر ماهوب مثل آخر سطر
...... الاول ابدا لكن الاخر نتاج
والما .. من ايدينك حلو لو هو قطر
...... ونهرٍ على يدٍ مهي بـ يدك هماج
كل شي ممكن انه يسبب لك خطر
...... لما اتعامل مع مبادئك بمزاج
والانثى للرجال زجاجة عطر
...... واحد يبي العطر واحد يبي الزجاج
والشعر إذا ما شدك من اول شطر
....... كلام لا يكنى ولا فيه ازدواج
اللآدمي على الأضاديد انفطر
....... لذلك الله سن للناس الزواج
من أجمل الأشياء في الدنيا المطر
....... ومن أبشع الأشياء في الدنيا العجاج
(( سعد علوش ))
= زجاجة عطر = من جديد سعد علوش
العرض العادي
