واحد راح يخطب بنت من أبوها

بسم الله الرحمن الرحيم

أيها الأحباب

السلام عليكم ورحمة الله وبركاته

هذه قصيدة فيها شيئ من الواقع

ولاتخلو من المبالغة

وفيها شيئ من الظرافة

أحببت طرحها عليكم

القصيدة:

سبحان من يرزق بتوع الملاييـن
الرازق اللي ما يخيب الرجـا بـه
لي عم عنده معـرضٍ للصواليـن
أموت واعرف بس من وين جابـه -
وإذا سألته قـال بعـت الدكاكيـن

ما يدري إني ما هضمت الإجابـه
الشاهد إني رحت له قبـل يوميـن
في قصره العامـر ودقيـت بابـه
قال ارحب ارحب عدّ ورد البساتين
يا مرحبا باللـي لفـا يـا هلابـه
قلت البقا عـدّ النفـل والرياحيـن
يا شيخ شمل اهل الكرم والذرابـه
قال اسلم الله يحفظك لي من العين
وآمر أوامر حضرتـك مستجابـه
قلت الصراحة طالبٍ قرب غاليـن
ودي تزوجنـي كريمتـك يـابـه
ثنّى وقال اهليـن والله وسهليـن

والكون ترخص لجل عينك رقابـه
لكن ترا عندي شـروط وقوانيـن
قلت اشرط ياحبيب الغلابة

قال أولاً مهر العروسـة ثمانيـن
غير الرسوم وغير حق العصابـه
والثانية عمك يبي منـك سبعيـن
رسم الأبـوّة والنسـب والقرابـه
وام العروسة حقها منـك ستيـن
عشانها ست الحسن والمهابه
واخوانها كلن يبي منـك خمسيـن
عداً ونقـداً تنـدرج فـي حسابـه-
وخواتها الخمس اعطهن من ثلاثين
عشان تتوثـق عـروق النسابـه
وتجيب طقم عيار واحد وعشريـن

وخاتم من الماس المصفى ترابـه
واكياس متروسة كعوب وفساتيـن
ألوانهـا واشكالهـا مـا تشابـه -
وموتر بسواقـه وفيـلا بدوريـن
أثاثهـا مـن بطرتـه ينحكـابـه -
هذي الشروط اللي على بالي الحين
وذكرني اللي ماحسبنـاحسابـه
قلت اذكر الله يا عـدو المساكيـن

واستغفـره لا يبتلـيـك بعـذابـه
- الظاهر إنك منت عارف أنا ميـن
أنا لو ارقا فـوق متـن السحابـه -
- ما جبت حتى نص درزن مواعيـن
واضحك بكيفك واعتبرهـا دعابـه-
- شروطكم هذي شـروط المجانيـن
شروطكم شغـل ابتـزاز ونهابـه -
- شروطكم تقصم ظهـور البعاريـن
شروطكـم همّـن وغـم وكآبـه -
- شروطكم والله سيوف وسكاكيـن
تذبح بنات المجتمع مـع شبابـه -
- وين الرضا والعطف واليسر واللين
اللي ذكرهـا الله بمحكـم كتابـه-
- وين الصفات اللي أمرنا بها الديـن
وين اختفى نهج النبي والصحابـه -
- يا عم جعل اللي خلقنا من الطيـن
يرد عقلك مـن خطـاه لصوابـه -
- ويجعل نصيبي عند غيرك قل آمين
ويحسن عزاالصابرويجزل ثوابه -
- قال انت لو فكرت تفكير صاحيـن
ما شفت في مجمل شروطي غرابه -
- حنا بعصـر العولمـة والمزاييـن
ماهوب عصر الفلسفة والخطابـه -
- الناس تسعى للرتـب والنياشيـن
وانت اهتمامك بالشعـر والكتابـه-
- والشعر ما ينفعك لو هو دواويـن
ما دام جيبك مثـل بيـت الخرابـه -
- يا بوك لا تسمع كلام المصاخيـن
واسأل مجرب عاش في وسط غابه -
- قلت الله اكبر يا محـرر فلسطيـن
من يسمعك يحسبك ذيـب الذيابـه-
- تراك شايب راس مالـك رياليـن
والبنت ما تسوى جنـاح الذبابـه -
- قال انقلع مالت على وجهك الشين
لا عاد اشوفـك عندنـا يالزلابـه -
- قلت ابشر ابشر لكن الباب من وين
واقفيت من عنده على صوت بابـه-

تحياتي

محمد محمود

قال أولاً مهر العروسـة ثمانيـن
غير الرسوم وغير حق العصابـه
والثانية عمك يبي منـك سبعيـن
رسم الأبـوّة والنسـب والقرابـه
وام العروسة حقها منـك ستيـن
عشانها ست الحسن والمهابه
واخوانها كلن يبي منـك خمسيـن
عداً ونقـداً تنـدرج فـي حسابـه-
وخواتها الخمس اعطهن من ثلاثين
عشان تتوثـق عـروق النسابـه
وتجيب طقم عيار واحد وعشريـن

أيش خلوا للرجال والله حرام .. هذا ابتزاز مو مهر ..
ولعل أخي محمد هذا الشي من أسباب عزوف الشباب عن الزواج ..
قصيده تحاكي الواقع بدون مبالغه ..

شكرا لإنتقاءك الرائع والهادف أخي محمد محمود ..

حنايا الروح

اخى ابوعبدالله


تسلم اخى على كتابة هذه القصيدة والحقيقة وان كان فيها شى مبالغ ولاكن استاذى تحكى واقع بعض الاباء الجشعين فكم من فتاة اقبلت على سن اليئس لا حول ولاقوة الا بالله لقد تا ثرة احد الايام وان اسمع الراديو فتاة تتكلم لا احدى العلماء تشتكى والدها حارمها الزواج بسبب الطمع نعم استاذنا هذه القصيدة تحكى الواقع

وتقبل تحياتى اخى

أشكرك أختي

حنايا الروح

وفعلاً جشع أولياء الأمور

جعل نسبة العنوسة تزداد

كما أن بعض العادات والتقاليد وحب التقليد

يزيد الحمل على الطرفين

تحياتي

محمد محمود

شكراً يا أبا هيثم

على المشاركة الجميلة

وفعلاً هناك من أ|ولياء الأمور

من يستغل ابنته خاصة إذا كانت موظفة

ويحرمها من أبسط حقوقها الشرعية

أن تصبح زوجة ثم أماً

وحسبنا الله ونعم الوكيل

على كل ظالم

تحياتي

محمد محمود