[poem=font="Traditional Arabic,6,blue,bold,normal" bkcolor="transparent" bkimage="http://www.alhowaitat.net/mwaextraedit2/backgrounds/42.gif" border="none,4," type=0 line=0 align=center use=ex num="0,black""]
النذل شاخ وشيخه يا عرب مال =ماشيخه نوماس ولا إذراعه
من بعد ما شيخ للمطانيخ تنقال =اليوم في سوق المهونه ابضاعه
والقرم طاح وطالت خطوات الانذال =من عقب ما نزْل سيفه وباعه
ورُوسِ طمنت وطالت روس الاذيال =وراع الكور حول من علو إرتفاعه
حتى اللي جده سابق الوقت فوال=اليوم على المخلوق مسوي سباعه
ويقول يعرف حتى المعاميل ودلال = ويدعي نوماس وعرّفْ وشجاعه
ضحكت اسنينه وصارت كلها إعدال=من عقب ما هي في المهازل وقاعه
وقت ساوا طيب الفال جلال =والقرم عيا يطيعه زمانه وطاعه
سبحان ربي غير الحال من حال =نجم يغيب والنذل رفرف إشراعه
وقتٍ إيهبلني وأنا ما بي إهبال=لا شك وقتنا يا ناس هذي إطباعه
هو ما درى ان الجود على روس الاقذال =دونه الرجال تلوي إكراعه
ما يقدرونه إلا طحاطيح وجّمالْ=اللي لهم ميقاف يوم المجاعه
يوم العشا ابلشه ولفه ومحوال=ونص العرب عشاه ياتي اوداعه
شيختهم مواقف تزلزل العفن زلزال = في حزة يا حميد ما بها مناعه
مواقف تكشف خايب الجد والخال = ويعرف بها اللي تهقوى في زمانه وصاعه
ما هي بشيخة ختم ولّا شيخة اعمال=شيخة صنعتها المواقف اصناعه
وسطروا لهم تاريخ على مر الاجيال =تاريخ يسطع في النوابي شّعاعَه
تبغاني أضرب لك منهم أمثال =خذ لك مع التاريخ سجة ساعه
عوده ابن رافع اللي للحمل شيال=وجديع ابن شامان وغيره ارباعه
وحمود ابو ذنيبه للرجاجيل مدهال=والهطيعي حمد وقت القطاعه
وعوده ابو تايه اللي يرفع الجال =ياما تعشت من مضاريبه اسباعه
وكريم ومنقرة ونمر وابن هذال=ومن وايل وشمر وقبايل إقضاعه
وغيرهم واجد مطنخ ياطيب الفال =لا شك لذكرهم ما فيه في الوقت اتساعه
من حي منهم يا عسى إسنينه إطوال=ومن مات تزرع مقابرهم إزراعه
من مزنة مطرها أول الموسم همال=وأرواحهم عند رب الخلايق اوداعه
تغفر لهم يارب يوم عرض الاعمال=يوم الحشر ويوم نار وشفاعَه
قالها رفيع وغيره من العرب قال=هذي حقيقه وعندي فالحقايق قَناعَه [/poem]
للشاعر / رفيع بن عوده الشامان ( مساير الوقت )
شيوخ المواقف
العرض العادي
