[align=center]ياليتنا يابسمة القلب جيران
الصبح اشوفك والمسا والظهيرة
أقسم بربّ الكون ماقول طفشان
وشلون ابطفش وآنا وياك جيرة
ياللي سكنتي بين الاضلاع تحنان
ثم استويتي وسْط قلبي أميرة
أميرة تلبس داخل القلب تيجان
تاج الجمال و تاج الأخلاق سيرة
انطق بملئ الفم و العب بالأوزان
( لعب البطل زيدان بالمستديره )
شاعر واحوف القاف من دون نقصان
و عندي ذخيره بس ياهي ذخيره
اقدر اخلي اسفل القــــوم شجعـــــان
و الا الشجاع ببيت واحد اثيره
ازلزل بحرفي ميادين واوطـــــــان
لكني ارحم هالقلوب الفقيره
لو يدري عني عنترة قال سبحانه
سبحان رب حروف صارت اسيره
قد قيل منهو يمدح النفس غلطان
و انا ابمدح .. موتوا ياناس غيره
ارجع لروح الروح وآقول ولهان
ولهان كثر امطار ربي الغزيره
ولهان اكتبها انا بكل الألوان
و ارسمها باللوحات رسمه خطيره
مشتاق اسولفلك واحاكيك من شان
افضفض لقلبك همومي الكبيره
انتي جذبتي عالم الانس والجان
و وحدك بنيتي بين الاضلاع ديره
لو غبتي عني ثانيه صرت تعبان
و قلبي تورّم كن فوقه خميره
ما شفت مثلك حتى في دار لبنان
و الا بالأردن و الا شبه الجزيرة
قمة طموحي ابسط ايدي بالأمتان
و اقول احبك يالعيون المثيره
و اعلق قليبي معك طول الأزمان
و دايم مصيرك زي قلبي و مصيره
و ان كان قلبك يطلب الحين حلفان
هذاني احلف : والله ماريد غيره
منقووول[/align]
العشــــــــق
العرض العادي
