الشبكة مسجلة لدى وزارة الثقافة و الاعلام
غلاك بداخلي زلزل كياني ودمعي من بعد صدك عصاني انا ماكنت اظن اني بودك او ألقى لك قدر وسط المحاني غريبه صرت في يومٍ وليله ابيك وماابي انسان ثاني لك الله ماحسبت حساب حاجه سوى اني اسعدك والعمر فاني بغيتك عون لامن ضاق باسي بغيتك لي بعد عمري مواني انا ماقلت احبك والحقيقه بأني ملت لك والحب جاني انا ودي اضمك في ضلوعي إلين احس بك تبغي حناني انا مابغيك تستعجل بحبي او انك تنطق بشيٍ عشاني انا ودي معي تلقى مرادك تقول الهم بوجودك نساني تظن اني بزيدك جرح آخر وانا من قبل لاأعرفك اعاني من جروحٍ سببها من طعنها مرض حالي وسبب بأسهراني دخيلك لاتفكر بي بخونك او تقول الذي قبلك رماني انا انسان اشعر قبل لاحكي ولا ظني ابصبح بك اناني واقول ابغيه لامن ضقت جنبي ولامن ضاق فيني ماكفاني انا اودك ولو انك تحبه وطيبك لف عقلي واحتواني وخلاني افكر بك واهاذي واشتاق لوصالك بالثواني تخيل طيفك بعيني يجيني واصد أخاف دمعي لايباني لٌن لنظره عيونك ألمها مع بعض الامل كحل عياني وخلاني اصر اني اصونك وزود الحب لوصالك دعاني مع بعض البرود بحين غره سببها ماتكلم به لساني وجرح اللي ذبحك وراح منك ولكن فكر اشذنبٍ دهاني ؟ انا قررت بشري منك وصلك عساني اقدر لفرحك عساني انا اوعدك لأصبر قد ماقدر وارد اللي عن وصالك نهاني حبيبي ايه انا اقصدها حبيبي ابيك تحط لي قدر وشاني وابيك تعوق ظرفك لو تبيني وتخذل لجل ترضيني زماني واذا قررت تبعد ثم ترحل وشفت ان الحزن عقبك طواني فلا ترجع ولاتأمل فؤادي ياشين النفس لامنت بأماني انا ادري حيل متردد بوصلي ولكن حس بشعور اعتلاني وقرر دون ماتنظر لحبي قبل لايكبر شعور يحداني وعلى فكره اذا مانلت حبك اذا قلبك مع شعورك عصاني انا بدعيلك بخير وسعاده وابيك تكون كفوٍ وكحلاني ابيك تأدي اركانك ولا انك تسج وتأخذك حلو الاغاني وابيك تدير بالك ياغناتي على نفسك وتذكر هالمعاني واذا مره تضايقت اتصلي وانا برد يانور العياني وابختم قولي انك حيل غالي ولو حظي معك مايوم زاني
لكي خالص شكري وتقديري يا بنت زايد
تسلم ع مروووورك الغاوي يالنجم
تسلم خيوووووووو
دخيلك لاتفكر بي بخونك او تقول الذي قبلك رماني انا انسان اشعر قبل لاحكي ولا ظني ابصبح بك اناني سلم الاختيار والذوق ينطيك العافيه,,
واذا قررت تبعد ثم ترحل وشفت ان الحزن عقبك طواني فلا ترجع ولاتأمل فؤادي ياشين النفس لامنت بأماني قصيده رائعه .. راقت لي هذه الابيات كثيراً يعطيك العافيه..
العميري سديم لكم جزيل الشكرع مرووووووركم
ذااائقه جميله بنت زايد لاهنت على الاختيار الحلووو تحياتي لك
تسلم يالشاعر ع مرورك
أنا ما قلت أحبك
العرض العادي
