صوت لإحدى القصائد المشاركة ( محدّث )

قصيدة بعض الصداقة

[poem=font=",6,,normal,normal" bkcolor="transparent" bkimage="" border="none,4," type=1 line=0 align=center use=ex num="0,black""]

بعض الصداقه كبّها وانت تسعد=خله يولي في دواهي وحريقه

عليه ماتبكي العيون وتوّجد=ان راح غرب الكون روّح شريقه

وقت السعه يضرب على الصدر باليد=وعند الشدايد ماتوكد طريقه

اللي يداير لك علابيه والخد=لاسرت في ورطه ومحنه وضيقه

قال المثل في سالف العصر يااجود=ماكل مايلمع ذهب في بريقه

سود الليالي والبلا وساعة الجد=هذي مواقف كاشفات الحقيقه

الى ابتلاك الله في صاحب انكد=لاتلوم بختك يوم هذا رفيقه

لوينقرد حظك ترى منك واقرد=هذي دباير ربنا بالخليقه

احذر من الاصحاب ياواسع البد=لاتصاحب الارجل طيب فريقه

ترى بعضهم شر من يوم يولد=يتعب ابوه بجلبته للعقيقه

يازين صاحب صحبته كلها ود=وان بان فيك العيب يستر فتيقه

الى وقف في ماقفه دايم يسد=وبطاعة الله ياخذك في طريقه

صوم وصلاه وعلم غانم معدد=ويصبح شقيقك وانت تصبح شقيقه

امليتها من واقعي مااتفند=واوردتها في مسابقتكم طليقه

علمٍ على عكف الاشانيب يجمد=من واحدٍ عنده تجارب وثيقه

مااقبل ضعيف الهرج من أية أحد=ومن يدرج الفشلات ماني صديقه[/poem]

قصيدة من الألف الى الياء



[poem=font=",6,blue,normal,normal" bkcolor="transparent" bkimage="" border="none,4," type=1 line=1 align=center use=ex num="0,black""]

ماضاق صدري لو يضيقنّ الاجواء=مادام لي رب ٍ يحقق رجائي

مادمت اصلي واستخيره بالاشياء=وعندي يقين انه سميع لدعائي

ومادام لي ربع ٍ وعزوه واشقاء=يوم احتزم فيهم وبعض اصدقائي

لوكنت من بعض الصداقات مستاء=ناس ٍ مواقفهم تثير استيائي

الي يصادقني على شان الاهواء=واليا خذا حاجته يصبح (عدائي)

وتصير في نفسه عدواه وبغضاء=لو كان مايظهر عداوه نهائي

مريض قلب ويمتلي منك شحناء=وماعاد يصفي لو يركّب (هوائي)

اليا جلس يعطيك موجز للانباء=كنه مذيع ٍ بالزمان الفضائي

وياخذ كلامك ثم ينشر بالارجاء=ويضيف من عنده ويصبح روائي

هذاك حطه ضمن الاشخاص الاعداء=وخله مسجل بالسجل الجنائي

كبه لو انه شيخ في دار الافتاء=أخير من مثله تعيش انطوائي

ومادمت تحرص وانتقائي بالازياء ؟؟=من باب أولى بالصديق انتقائي

دوّر على الي بالمواقيف معطاء=رجل ٍ كريم ودون ربعه فدائي

نظيف قلب ولا يدقق بالاخطاء=ويحفظ كلام الترمذي والنسائي

ويعذر رفيقه والبشر دوم خطــّـاء=واليا نصح بالسر ماهو (مرائي)

من ينصحك في حضرة اشخاص واسماء=ماهوب مخلص لك وهرجه (دعائي)

لو كان في رقة سميره وغيداء=وناعم ومتأنّق وشاعر غنائي

لاتستمع له واتخذ دونه اجراء=ولا اتصلــّــه بالطبيب الوقائي

خلك نبيه وعالج الداء بالداء=واحذر تسوي مع جنابه ثنائي

خطيت ماعندي من الالف للياء=ولا ادعيت اني فريد بذكائي

اشيا ورثناها من اجداد واباء=واشيا عرفناها من اولى ابتدائي

كل ٍ بها الدنيا له افكار واراء=فكره وهذي فكرتي واعتنائي

كتبتها متضمنه نصح واهداء=واهديتها للي يثمن عطائي

[/poem]

قصيدة قصة مدمن

[poem=font=",6,,normal,normal" bkcolor="transparent" bkimage="" border="none,4," type=1 line=0 align=center use=ex num="0,black""]


بدينا باسم الرحماني=ربي خلاق الاكواني

واشكر فضله سبحانه=اللي عن خلقه اغناني

واصلى على محمد نبيه=اللي لدينه هداني

ومن بعده ياسمع قولي=اسمع ماقوله بامعاني

عندي لك قصه عجيبه=من قصص هذا الزماني

للجاهل فيها مواعظ=وللعاقل فيها معاني

قصة رجالٍ مدمن=اغواه ابليس الشيطاني

رجالٍ باول شبابه=فوق العشرين بثماني

بدروسه دايم متفوق=اخذها بجهد وتفاني

وبعد ماحصّل وظيفه=والراتب مابه نقصاني

قرر يكمل دينه =ويشعر بالاطوئناني

ويكوّن اسره صغيره=ويعيش بحبٍ واماني

وفعلا حقق اماله=وكملت كل الاماني

لكن ابليس اللعيني=همه اغواي الانساني

وارسل له جنده واعوانه=دلاّل دروب العصياني

ارسلهم للبيت زياره=وقالوا له جينا ضيفاني

استقبلهم في حسن النيه=مايعرف غدر العدواني

وقالوا له حنّا جيرانك=والجار بزور الجيراني

وكلنا ترانا من ربعك=وهذا فلان وهذا فلاني

نشوفك دايم من حالك=في بيتك دايم وحداني

ليه ماتجينا ونجيلك=ونصير احباب وصحباني

ونضمك مع باقي الشله=حامد وحميد وحمداني

قال ارجوكم بالله تخلوني=يكفيني بيتي وبزراني

قالوا انته رجال مغفل=حياتك مالها معاني

جرب في عمرك ليله=واسهر لك ليله براني

هي ليله وحده جربها=جربها مانته خسراني

وفعلا جرب هالمره=وشاف الوضع الميداني

وكانت هذي البدايه=لتدمير البيت العمراني

وصارت حياته تغير=واصبح في عالم ثاني

سهر وادمان ودجه=ودخان ورقص واغاني

واهمل بيته وعياله=والزوجه تصبر وتعاني

وتحاول باى وسيله=تهديه لدرب الايماني

وتقول ارجع لعياللاتضيع بدرب الادماني

ارحمني وارحم اطفالك=باسم الرحيم الرحماني

لكنه مازال بغيه=مثل البليد العمياني

والراتب ماعاد يكفي=وفوق الراتب منداني

وفي ساعة غفله من عمره=مع ربعه ليله سهراني

حصل له شي ماحطه=في باله والا الحسباني

جتهم حمله امنيه=رجال الامن الشجعاني

وشالوه مكلبش بيدينه=وطشوه بحضن السجاني

وقام يصيح وينادي=وهو منذل ومنهاني

ويقول ياناس ارحموني=انا غلطان وندماني

اعطوني فرصه اخيره=اعطوني لوهي ثواني

اشوف اهلي وعيالي=اشوف سعود وتهاني

وماغير السجن وجدرانه=تقول له انت الغلطاني

من سوى سواتك يستاهل=يستاهل هذا المكاني

ونسيه العالم في سجنه=وضاع بدنيا النسياني

يمسي ويصبح في همه=وحياته هم واحزاني

ومن بعد ماقضى سجنه=وخرج من سجنه عدماني

وراحت عليه الوظيفه=واصبح بيته خرباني

والحرمه ايضا طلقها=واخذت معها الورعاني

وضاع وضاعت حياته=في الدنيا تايه حيراني

وصار الشارع مكانه=من شارع يروح الثاني

واصبح ضحيه لاصحابه=اصحاب السوء العدواني

وايضا ضحية مجتمع=مايرحم وضع الانساني

في الشارع كل يهينه=وفي الاسره ماله مكاني

ومثله في هذي الحاله=مثل الضعيف الغرقاني

محتاج لحبل يجره=يجيبه بر الاماني

لانه انسانٍ طبيعي=ماوصّل حدالحيواني

وباب التوبه ماقفل=مفتوحه كل البيباني

لووجه توجيه هادف=ارشاد ونصح واحساني

عسى الله يغفر ذنوبه=ويبدل سياته غفراني

وهذا واحد من ميه=والكون بمثله ملياني

وهذي القصه مختصره =مختصره قدر الامكاني

وارجو المعذره باتلاها=عن غلطة شعري ولساني

وختامها صلوا على محمد=باللي سمعتوا البياني[/poem]

قصيدة العنوسة


[poem=font=",6,,normal,normal" bkcolor="transparent" bkimage="" border="none,4," type=1 line=0 align=center use=ex num="0,black""]
(يابنت يالي عن عشيرك تسالين)=بينك وبينه واقفات االضروفي
الراتب الف وخمس مايقضي الدين=وألا بعد عاطل و قلبه لهوفي
واهلك بعدها زادوا الطاق طاقين=يبغوا لهم فله خدمها تحوفي
والفرح في افخم قصر بين قوسين=(يوجد لدينا طقطقه للضيوفي)
وكلن يبي رضوه وحتى البزارين=والريش طار ومابقى به نتوفي
لوكان عاقل صار ضمن المجانين=من قوة الصدمه هرب مايشوفي
غلا وبطاله في وجيه الضعيفين=والشب عاجز مانظر للهنوفي
وراحن ضحيه هالعذارى المساكين=سبة طمع دنيا واهلها سيوفي
والكل منهن تنتظر شوف غالين=وطال الصبر فيهن وقالن يخوفي
تمضي علينا سنين وسنين وسنين=لازوج لاعشره وطفل(ن)نشوفي
ونعيش بالوحده وبين الجدارين=نبكي على الماضي وعمر(ن)يطوفي
هاذي العنوسه كالوباء وليه ناسين =حطوا النقط ياناس فوق الحروفي
يا لأب هونها وتكسب ملايين=عند الولي اجرك امانه تروفي
شبابنا اقفى على الشام ياشين=راحو ضحيه وسط هز الردوفي
والرزق عند الله وهذا هو الدين=ماهو بيد العبد( ياعم كوفي)
وختامها دعوه وابي قول امين=الله يجوزهم و نرفع كفوفي [/poem]

قصيدة الصداقة


[poem=font=",6,,normal,normal" bkcolor="transparent" bkimage="" border="none,4," type=1 line=0 align=center use=ex num="0,black""]
قالولي اكتب في اصـول الصداقـه=قلت الصداقه علمهـا عنـد اهلهـا

كل0ن0على مبداه ينشـي العلاقـه=وخيبراهلها تخبـرك عـن نخلهـا

اخرزمـان الله يـعـز الرفـاقـه=(هـذاك ميلهـا وهـذا عدلـهـا)

الصبرزين وفيـه ثنتيـن( راقـه)=واهل النوايا سايـره فـي عملهـا

ترى التسـرع مرتبـط بالحماقـه=مثل الحسد (بـره) باهلـه قتلهـا


اخير من قـرب المجنـب افراقـه=اللي تـرك حاجـه يلاقـي بدلهـا


ادمح وسامح خـل عنـدك لياقـه=(خلك ( رياضي) عدهـا واحتملهـا


لاتتبـع الـزلات واهـل الطفاقـه=الاولـه ابـدا أبهـا واحتملـهـا

ومن صد واقبل بالتراحيـب لاقـه=واوصيك بالارحـام دايـم تصلهـا

وافرج على اللي جاير الوقت عاقه=من فرج الكربـات يلقـى مثلهـا

وان جاك من يشكي على الباب فاقه=اعطه ترى الارزاق ربـك كفلهـا

يابئس عبد0ن0متعب القرش ساقه=حتى زكات المـال( حق-وبخلهـا)

الرجل ماهو رجل بس في البطاقـه=المرجله ماكل رجل 0ن 0 وصلهـا

والعمر يمضي والخواتـم غلاقـه=والدار تبقى ويرحل اللـي نزلهـا[/poem]

قصيدة حصاد العمر


[poem=font=",6,,normal,normal" bkcolor="transparent" bkimage="" border="none,4," type=1 line=0 align=center use=ex num="0,black""]
البارحة و الناس نوّم و هِجّاع = هاجتني أفكاري براس الطويلة
قمت أتفكّر في ظروفي والأوضاع = و أشوف حالي بين عدله و ميله
أنا غدا عمري ورا الطيب نجّاع = مِلحق خيولي كل برقٍ تخيله
و لمّا عجزت ألقى بهالبيد مرباع = قرّيت في وادٍ زروعه قليله
الله معطي كل شي و منّاع = و ذا حكم ربي ما ندوّر بديله
صوب الأوادم ندمحه صاع بالصاع = لكنّ صوب الوقت ما فيه حيلة
و الوقت نزّالٍ و ساعات رفّاع = هذا يطوّح به و هذا يشيله
بس الحظيظ اللي معه طوق و شراع = لا طاح يلقى مدهلن يرتكي له
خلٍّ خليلٍّ و العشم فيه ما ضاع = مثل الزناد بكف ما هي شليلة
لامن نزل همّك نزل معه للقاع = و إذا رقى لأعلى سما يرتقي له
في خوّته ما له مقاصيد و أطماع = ما غير مقصود الخليل لخليله
و لهرجة النمّام ما هو بسمّاع = عرض الخوي في غيبته يحتمي له
ساعة لقاه تروق لو كنت ملتاع = و أشدّ ما يوجعك ساعة رحيله
عزي لمثله لكن الوقت ما طاع = في قيمته عندي يساوي قبيلة
صرخت بأعلى الصوت في كل الأصقاع = من وين أحصّل يا جماعة مثيله
قال القصيبي حدّهم خمس الأصباع = و يمكن يمرّ العمر ما تستوي له*
ما هو بذنبي يابيض المدّ و الباع = ذنب الأوادم و الحظوظ البخيلة
و الذيب يا نسل الميامين لا جاع = عوّد على الجيفات يشفي غليله
طبع البشر و لكل متبوع تبّاع = و أنا لهم مضطرّ منقوص كيله
قضيت عمري للصداقات زرّاع = و هذا حصاد العمر و آخر حصيله
أحدن يريد الخوّة بقصد الإمتاع = و إن حلّ بك بعض الشقا شدّ ذيله
و أحدن زمالة مصلحة و إن دعا الداع= ما عاد يحتاج الزميل لزميله
و أحدن على طيحتك شفقٍ و طمّاع = ودّه يشوفك في لباس الفشيلة
خلّه لوقته كود يذعن و ينصاع = و الوقت بالتعليم دايم كفيله
الغازي اللي مـَا لسلايبْه رجّاع = و القاتل اللي ما يِقاد بقتيله
من شانها دسنا على كل الأوجاع = حتى يمرّ الوقت بأية وسيلة
لوني لخلاّن الوفا دوم نزّاع = و اليوم صاروا حاجةٍ مستحيلة
و الله معطي كل شيٍّ و منّاع = حكم الله اللي ما رضينا بديله[/poem]

قصيدة الصاحب البار ( جبل شار )


[poem=font=",6,,normal,normal" bkcolor="transparent" bkimage="" border="none,4," type=1 line=0 align=center use=ex num="0,black""]

جيناك أنا والليل ياشار زوار=ما عاد لي بالناس ياشار حاجه

جيتك وفي قلبي من الهم مدرار =مير البلى لا جاك يضحك حجاجه

لنك في عينة صورة الصاحب البار =اللي ليا مني نخيته يواجه

لنك قويٍ شامخٍ تكتم أسرار =لا ما يضرك هـ الزمان بعجاجه

وأصبحت بين الناس للناس تذكار=وملاج منهو ضاع عنه ملاجه

كم شاعرٍ خطة على صم الأحجار =كنه يلاقي فوق خطة علاجه

جيتك وأنا في داخلي تلهب النار =والقلب فوق النار ياشار صاجه

من رفقة اللي لا لمح بسمتي ثار =ما كني إلا مآخذٍ منه حاجه

ناسٍ تسوم المرجلة سومت العار= ناسٍ تحسب الطيب ذل وسذاجه

تركتهم لجلك وأنا أجيك ياشار= لنه نهاجي ما يوافق نهاجه

انا حويطي حر من نسل الأحرار =يضوي على درب المراجل سراجه

جيتك جبل وأنت جبل شار ياشار =لا ما يضرك هـ الزمان بعجاجه

في وقفتك هيبة وعزة ومقدار=وفي جيتك من جاك يلقى خراجه

يستأذنك ياشار هالليل قد سار =وأنا بعد ياشار لين إنتواجه[/poem]

قصيدة حسين المعاني
[poem=font=",6,,normal,normal" bkcolor="transparent" bkimage="" border="none,4," type=1 line=0 align=center use=ex num="0,black""]

يقول من يكتب حسين المعاني =منظوم قيفانها نوعها ثاني
بقلم ممسوك بروس البناني=مني نصيحة خذوها ياناس
يلأدمي دنياك ماهي دايمه=اصحى تلحقك منها لايمه
يوم القيامه والبشر قايمه=من موتها تبعث كل الأجناس
افعل الخير من طيب نيه=الحق قدمه قبل المنيه
عليه يجازيك رب البريه=له تلقى بعد الممات مقياس
واوصيك ونفسي بالفروض الخمس=اللي فضلها عرفته من امس
كنت فالظلمة والحين فالشمس=واخرجني ربي من ظلمة ادماس
ياناس هذي ماهي هقاوي=لا تحسبوني عن الدرب غاوي
فالظلمة اتخبط مثل العماوي=والله انها من عمق الإحساس
بعض الناس محتاج النصيحة=يمشي بين البشر شايل فضيحه
شميت ريحها ياشينها من ريحه=ايدور مصروفه من بنك الإفلاس
يذم الناس ولاشاف عيوبه=الى حد سرته ساتره ثوبه
يدسها لاكن امقطعه جيوبه=من جلس حوله جاه التماس
الله يشفي القلوب العليله=لاسار في ظلك وش ترتجيله
غير الدعا لادور بديله=لانه بين البشر ماله أوناس
وبعض الناس حقود حسود=كنه رابي مع شلة يهود
احذر تراه العدو اللدود= ع روحك دايم موزع اكياس
وبعض الناس تراه مهبل=شاف نفسه وشكله امبَدل
وذاق الحلاوه قال امتبل=تنصحه لكن معنز الراس
وبعض الناس في وجهك يضحك=وهو من لحمك يبتر ويسحك
قله ترى ما ضر نبحك=الطيب حازه طيب الساس
وبعض الناس تلقاه كذوب=نفسه ناقصه ماله اسلوب
صفحته سودى كلها ذنوب=من شال هرجه غدى لساس
وبعض الناس حلو اللسان=لكن عما قالوا قليل احسان
كنه مستنسخ من جين شيطان=يبيعك والله علذة كاس
وبعض الناس نفسه صغيره=نفسه دنيه مالها بصيره
وصيه مني لا تستشيره =لأن قلبه خالي احساس
أنا ماني قاضي للبشر=لا كن أقول للي ما خبر
سوى من بدو او من حضر=الدين للخوي ترى مقياس[/poem]

نرجوا التصويت اعلاه فقط
بدون كتابة ردود

ننتظر مزيدا من التفاعل