ربح وكساد

كثر الحكي يتعب قلوب العباد
والكلمه اللي تستثيرك بدها

الهرج له معنى ومقصود ومراد
وبيبان همك يالبناخي سدها

غنم لسانك وامنه قبل الزناد
من خوف كلمه لا اطلعت متردها

الهرج له كيف وفناجيل وقناد
أعقب فناجيل اللغا ثم صدها

واسمع قصيد ٍ ما يجي فيه ارتداد
من سيح بال ولا حبال امدها

لا جمهرة قيفان ولا كثرة سواد
اسمع سمان الهرج يوم اعدها

الشعر سوق احساس له ربح وكساد
ياامبخسين السوم لا ما احدها

امطففين الكيل في وقت المزاد
شعار تقلب صاعها عن مدها

الشعر ما يحتاج له حقنة مضاد
واشوف شعار الحقن من جدها !!!

قامت تلبس الشعر زي الحداد
تنكس اعلامه وترفع يدها

حلفت اني لكتشف كذب المساد
واقطع دبر ناس ٍ تصعر خدها

ابوي علمني وانا وسط المهاد
غلطة سفيه القوم عيب تلدها

تعبت من ناس ٍ يكسرون الشداد
للإرنب اللي ما تساوي شدها

ناس ٍ تموت ونارها تصبح رماد
وناس ٍ تهادى صيتها من جدها

خلك وسيع اوسع من فجوج الحماد
وان شفت ميلات الزمن لا بدها

فضرب على الكايد الى شلت الغماد
وسل السيوف اللي ينومس هدها

المشيخه ما هي مثل شيخة فؤاد
المشيخه للي يفك إعقدها

وان جيتلك قوم ٍ يحبون العناد
خل حاجتك فالقلب ليما اتعدها

واليا بليت بناس ما فيها سداد
دور قروم ٍ ما تبيح سدها

وان حكموك اثنين خذ وضع الحياد
جامل كثير الناس واحفظ ودها

ترى النصيحه الصادقه على انفراد
والاسئله لا تعجلك في ردها

يالادمي دنياك تاليها نفاد
الخلق تفنا والمنايا تصدها

والارض تنبتنا وتحصدنا حصاد
واجسادنا ترجع لها وتشدها

والله يبعثنا الى يوم التناد
في موقف ٍ فيه الخلايق عدها

لن تخرق الوديان وتحوش الجراد
واعرف رواس الارض منت بقدها

احنا بشر محنا نباتات وجماد
لكل حاجه اوجد الله ندها

ياحظ من يمشي على درب الرشاد
ونفسه عن الشهوات تلزم حدها

لو راهنوا منهو استفاد ولا استفاد
ادع النشاما الصادقيين وغدها

كل القلوب البيض ما تخشى السواد
وكل القلوب السود آنا ضدها

لله درك اخوي عناد انت مبدع دائمآ

لا هنت

مرحبا وسهلا