4- الشاهد إني رحت له قبـل يوميـن= في قصـره العامـر ودقيـت بابـه -
5- قال ارحب ارحب عدّ وردالبساتين= يـا مرحبـا باللـي لفـا يـا هلابـه -
6- قلت البقـا عـدّ النفـل والرياحيـن= يا شيخ شمل اهـل الكـرموالذرابـه-
7- قال اسلم الله يحفظك لي من العيـن= وآمـر أوامـر حضرتـك مستجابـه -
8- قلت الصراحة طالبٍ قـرب غاليـن= ودي تزوجـنـي كريمـتـك يـابـه
9-
ثنّـى وقـال اهليـن واللهوسه ليـن= والكون ترخص لجل عينـك رقابـه -
10- لكن ترا عندي شـروط وقوانيـن=قلت اشرط اشرط يا حبيـب الغلابـه -
11- قال أولاً مهر العروسـةثمانيـن= غير الرسوم وغيـر حـق العصابـه -
12- والثانية عمك يبي منـك سبعيـن= رسـم الأبـوّة والنسـبوالقـرابـه-
13- وام العروسة حقهـا منـك ستيـن=عشانهـا سـت الحـسـن والمهـابـه
14- واخوانها كلن يبي منـك خمسيـن=عـداً ونقـداً تنـدرج فـيحسـابـه-
15- وخواتها الخمس اعطهن من ثلاثين=عشـان تتوثـق عـروق النسـابـه -
16- وتجيب طقم عيار واحد وعشريـن=وخاتم مـن المـاس المصفـىترابـه-
17- واكياس متروسة كعوب وفساتيـن=ألوانهـا واشكالـهـا مــا تشـابـه -
18- وموتر بسواقـه وفيـلابدوريـن=أثاثهـا مــن بطـرتـه ينحكـابـه -
19- واحجز لنا قاعة بقصرالسلاطيـن=واحجـز بهـا رقاصتيـن وربـابـه -
20- وامنع دخول اهل اللحىوالبزارين=واعـزم أميـر المنطقـة بالنيـابـه -
21- هذي الشروط اللي على باليالحين=وذكرني اللـي مـا حسبنـا حسابـه -
22- قلت اذكر الله يا عـدوالمساكيـن=واستغـفـره لا يبتلـيـك بعـذابـه -
23- الظاهر إنك منت عارف أناميـن=أنا لـو ارقـا فـوق متـن السحابـه -
24- ما جبت حتى نص درزن مواعين=واضحـك بكيفـك واعتبرهـا دعابـه-
25- شروطكم هذي شـروط المجانيـن=شروطكـم شغـلابتـزاز ونهـابـه -
26- شروطكم تقصم ظهور البعاريـن=شروطكـم هـمّـن وغــم وكـآبـه
27- شروطكم والله سيـوف وسكاكيـن=تذبـح بنـات المجتمـع مـعشبـابـه
28- وين الرضا والعطف واليسرواللين=اللـي ذكـرهـا الله بمحـكـمكتـابـه
29- وين الصفات اللي أمرنا بهاالديـن=وين اختفى نهـج النبـي والصحابـه -
30- يا عم جعل اللي خلقنا من الطيـن=يـرد عقلـك مـن خطـاه لصوابـه -
31- ويجعل نصيبي عند غيرك قل آمين=ويحسن عزا الصابر ويجـزل ثوابـه -
32- قال انت لو فكرت تفكيرصاحيـن=ما شفت في مجمـل شروطـي غرابـه
33- حنا بعصـر العولمـةوالمزاييـن=ماهوب عصـر الفلسفـة والخطابـه -
34- الناس تسعـى للرتـب والنياشيـن=وانـت اهتمامـك بالشعـروالكتابـه-
35- والشعر ما ينفعك لو هودواويـن=ما دام جيبـك مثـل بيـت الخرابـه -
36- يا بوك لا تسمع كلام المصاخيـن=واسأل مجرب عاش في وسط غابـه -
37- قلت الله اكبر يا محـررفلسطيـن=من يسمعـك يحسبـك ذيـب الذيابـه-
38- تراك شايب راس مالـك رياليـن=والبنت مـا تسـوى جنـاح الذبابـه -
39- قال انقلع مالت على وجهك الشين=لا عـاد اشوفـك عندنـا يالـزلابـه
قلت ابشر لكن البـاب مـنويـن= واقفيت من عنـده علـى صـوت بابه
poem] منقوله وفي انتظار ردودكم
تحياتي
قصيده من الطراز الفريد
العرض العادي
