معايد الثنتين

الهم والتفكير ومعايد الثنتين
والصمت في وجه الرياح وخباياها

بالوجه الآخر صقلة السيف ابو حدين
رحلة نفاق تذل منها مطاياها

أبك انت ياهمي بتلعب على الحبلين
وانا معاك امشي ولا ادري مع اياها

حلفت ياكمي على دمعي المسكين
بوئد وراها صورتي مع هداياها

انا معاناتي كعمله لها وجهين
دمعه وعض شفات ولا حداياها

تاصل الى الحنجور وتسيل النهرين
وجيوش هالشيعه تنكس طقاياها

يادمعة السني ابسأل وصلتي منين؟
لا تغرك الايام من طول آياها

على المحك النفس من ضربة الاسفين
وانا امتحمل كل قسوة شظاياها

قولوا لها آذار ثوره على تشرين
وايلولها الاسود يزبن رعاياها

حبيبتي وانتي فديتك من الغالين
لا تقطعين احلام كنت اتهياها

انا سمعت بقصة النار والتنين
وغزوة شعاع الشمس وش هي نواياها

ياليت يرجع لي زمانك يابن حثلين
والله لجيب افعال تصعب سواياها

بسند الوجهه وبزهم سما حطين
وتشوم لرقاب البنادق حناياها

واشوف حب التين ولا نيب راعي تين
ولاني مع البدوان واعشق حكاياها

انا وهالغربه مشينا على السكين
وشناط همي شلتها من ثناياها

في غربتي وانا امتقسم الى نصين
تاخذ مدابير الاماني عطاياها

غربه تسابقني على شي لوهو شين
حتى شفايا الشوك تنزف شفاياها

ياعمر وقف لا يجيني غراب البين
ترى اشمأزت ضحكتي من عراياها

باقي حجار النرد ترهن شعوب الصين
وآطير من كف الصدف عن مناياها

واليوم اودع ذاكرة عمري العشرين
وحيد في فقاعة الحلم وأعياها

ذكرى ترجعني لحكمك يابوشرين
وذكرى الى شمس الفراق وزواياها

ياليتني ماجيت منها كرااااات الطين
ولى تبخر هالعظام وحواياها

لكن ذروا قلبي سنابل لآخر حين
يمكن تكشف هالسنين وخفاياها

ياعقرب الساعه قبل تدخل الالفين
رجع زمان النفس كثرت خطاياها

وانا ادعي الله كل ليله واقول امين
نصبر على ضيم الرياح وخباياها

يعطيك العافيه على الطرح
تقبل مروري المتواضع
تحياااااااااااااااااااااتي

{ هــــ م }

و

{ تـفكــ ير }
و
{ والعودة لزمان أبن حثلين }