يغار منه الحرف واستره وآ دثره
والصفعه اللي منه هي صفعة ارباقي
ما يحبس انفاس الشعر كاتب النثرا
اهم شي اكتب شعوري من اعماقي
اللي كتبته ما عجبني ولا اثرى
معنى تجمد موميائه على اوراقي
اقربك واجمعك وانثرك نثرا
يا ساكن بدوامة العين واحداقي
اهدابك اتجدف على رموشك الخثرا
وانا اجدف كالورق داخل الساقي
مشيت حبك والالم يقتفي اثره
الا وداعك مصعبة لحظة فراقي
استأذنك ماني بدربك حجر عثره
الله معك واستر على حبي البااقي
عمر الشجاعه فيك ما تغلب الكثره
وعمر الدلع ما يشبع احساسك الراقي
يا خدك المغمور خوخن وكمثرى
لا تستبيح الصبر و تضيع اشواقي
ذا وجهي المهجور والمندثر دثرا
وهذا قصيدي موميائه على اوراقي
مومياء اوراقي
العرض العادي
