السلام عليكم ورحمة الله وبركاته ..
أخواني / خواتي
صباح / مساءً ..الخير للجميع
حبيت أطرح لكم قصيدة الشاعر المبدع //
محمد بخيت بن النوه المنهالي ...
وعسى أن تنال أعجابكم ..
وأبغي أسمع أراكم ..
منقول ....
كارثة القرن
كارثة هالقرن صدمة هزت الصلب الجمود
ومن صداها رد منهو في المشارق والمغارب
والجنازه لي مشت من دون موكب أو ورود
وردها دمع العيون وحزنها أكبر مواكب
حل في ليلة غيابك بالإمارات الركود
والشوارع والمداين ما بها غير الهبايب
والعلم حشمه لزايد كبر وصلى سجود
وانتكس معلن حداده قال للمغفور واجب
من مخافة ربنا خفنا انتشبه باليهود
ولامزعنا الثياب لفقد زايد كالأجانب
والبكا قالوا يزيد الميت يعذبه زود
وحنا ندري من بكانا يعذبك ير النحايب
فلونها الإسلام أهله عن بكا الميت يكود
ما نهت بعض الديانات أهلها كف الهدايب
فالحديث عن النبي صحيح من معنى الورورد
قال إن الله لو قد حب عبداً من حبايب
نادى يا جبريل قد أحببتُ عبدا في الوجود
فاحبب العبد الذي أحببته فوق الرحايب
فينادي جبريل السماءِ ومن عليها بلا فنود
حبوا حبيب الله يا من في السما فوق السحايب
فيحبه أهل السماءِ ومن عليها بلا حدود
فيلاقي في الأرض القبولُ ويهتني بالعيش صايب
وزايدٍ لا ما تلاقي له عدو ولا لدود
ومن محبته وغلاته نبكي كبار المصايب
واحنا حاولنا انتصبر بس اصعبنا الصمود
وعالفجيعه ما قدرنا نجاهد الدمع ونحارب
فالنبي وهونبي شفاعنا يوم الوعود
من فجيعة موتة ابنه دمعته طاحت سكايب
قال في معناه بان العين بالمدمع تجود
والقلب محزون يبكي من فراق أغلى الاقارب
دام سيدنا محمد ما قوى دمعه يذود
كيف ما ندمع وتمشي من مدامعنا المراكب
كنت اظن الدمع حده ما يجاوز هالخدود
لين شفته شوف عيني منتثر في كل جانب
قلت هذا بس دمعي كيف لي خلف الحدود
لوجمعنا ادموعهم وادموع شعبك بالحسايب
كان ظمينا البحار وكان هدّينا السدود
والخريطه كلها صارت مياه بلا هضايب
وكان كلفنا المصانع من بعد حث الجهود
تصنع انبوب المياه اللي ابو اربع مضارب
مضربٍ يروي البحار ولي بقى يروي سنود
آسيا وافريقيا والرابعه باقي الحبايب
لو يقاس الدمع حجمه عالفجيعه بالنقود
كان عدّا النفط سعره من كبر ذيك النوايب
ليتني يالس مكانه في النعش وهو يعود
لاتزال القدس منه ناويه ع كل غاصب
وكم حكام وملوك اعيالهم تعلن جحود
وللجنازه يخصصون ارجال تحملها برواتب
بس انجال الفلاحي قطعوا كل القيود
يوم ساقوها الجنازه محمّله فوق المناكب
ما رضى بكره خليفه ينقل النعش الجنود
قال مال النعش غير اعياله واقرب قرايب
هذا زايد لي حملنا فوق كتفه من المهود
ولا صخينا في الجنازه يحمله بالأجر حاجب
وآ حزن يعقوب كنه لفقد يوسف بالنكود
بان من محجر خليفه يوم دمع العين ناضب
غسلوه وكفنوه ولا كسوه افخر جلود
لبسوه أغلى وشاحٍ تنخضع دونه رقايب
العلم ياللي قضى عمره على شانه يذود
لجل ما توصل بلاده في أوج أعلى مراتب
وعضّت محمد على أسفل ثمه بكت حشود
ما يعبر عنّها شاعر ولا هو أي كاتب
يوم صلّوا ع الجنازه بلا ركوع ولا سجود
وعين بو خالد تناظر والده للقبر ذاهب
بس هذي سنة الله ولا على الدنيا خلود
والقضا حكمه علينا والقدر ع العبد غالب
سنة الله في عباده من حياةٍ للحود
والحياه نقطة عبور وكلنا فيها نطالب
نكرم الميت بدفنه لو بها فطر الكبود
وكل ما نسرع بدفنه يعتبر في الدين صايب
حافظ الله ع التعاون والخليجي بالشدود
شاركوا دفن الجنازة ما نسوا من كان صاحب
مرحبا بآل الصباح ومرحبا لا بآل سعود
وآل ثاني وبو سعيد و ابن عيسى والنجايب
واليمن ويا الجزائر و العراق ثم نعود
للبشير وللأسد والهاشمي وغير الأجانب
مرحبا باللي حضر واللي تعذر من وفود
خلّف الحر الفلاحي مثلهم ياكم شارب
في طلايعهم خليفه ومن حواليه الأسود
الرجال اللي استفادوا من أبوهم بالتجارب
الرجال اللي تحدو هالعواذل والحسود
واقطعوا كل الكلام اللي سعى به كل كاذب
صفّهم من عقب زايد مرتفع سهمه صعود
ما تفرّق شملهم منهم عدو الدّار هايب
كيف قالوا مات زايد كيف ما هو في الوجود
ما يموت اللي وراه مخلّف ارجال وكتايب
وزايدٍ لازال عايش في ضمايرنا يسود
عايشٍ لا زال باقي في حشانا والهدايب
والدليل إن حان ذكره تسمع الياهل وعود
الله ايطول ف عمره ما كأنه اليوم غايب
و الأمانه و الشهاده واجبه و احنا شهود
بيض الله ويه منهو شورهم قد كان صايب
نايبك مكتوم ويا اخوانه السته عضود
لي في ثاني ليلةٍ ولّوا خليفه عالمناصب
احتراماً لك يا زايد لانك الأب الودود
ومن بعد نظرة خليفه بانه الشخص المناسب
ما عطوا الدستور يوم وهو ثلاثين معدود
موقفٍ يعكس تحلّي دولتي باحلىالمذاهب
ليت يازايدعيالك شفتهم ليتك تعود
يوم بوسلطان شد احزامه وساق الركايب
وقفوا ويا خليفه وحملهم فوق الزنود
وين ما يامر خليفة روضو كل الصعايب
والشعب بايع رئيسه بالحلايف والعهود
ومن تهاون دون داره مات بين الناس عايب
ويا خليفه سر ونحنا شعبك المخلص جنود
ما نحاتي دون شفّك لو تواجهنا المصاعب
رحت يازايد علينا ونهجكم نهج اليدود
لا تحاتي من ضياعه له خليفه صار زاهب
رحت عنّا في الصيام ولا هنا للعيد نود
كيف بانعايد بعضنا بالعزا ولا الرحايب
كيف ثوب العيد والله نلبسه ونحط عود
والحزن ثوبه علينا مفصّلن والويه شاحب
مابقى في اليد حيله حل في جسمي برود
ولابقى غير الدعا باسم الذي عبده يحاسب
يا عسى الفردوس فالك وين جنات السعود
دعوة العشر الأواخر يا عسى فالك تواكب
قالها العالم بكبره في الدعا بعد الهجود
والسديس اختم بها وسط الحرم تشييع غايب
اختكم
بنـــــــــــت زايـــــــــد
كارثة القرن
العرض العادي
