عشق حايل بالضمير اضحى محله

هنا قصيده للشاعر محمد فياض الدماني الحويطي قالها في شمر عندما كان

في زياره لحايل وسارت له امسيه بجبه بحايل فقال :





عشق حايل بالضمير اضحى محله
ديرة(ن)من جودها شفت الهوايـل


والكـرم لوكـان لـه مـوطـن يحـلـه
اشهـد انـه ماتـوطـن غـيـر حـايـل


ديرة(ن)مثـل القمـر بـيـن الاهـلـه
جودهـا مـن جـود ذربيـن الفعايـل


ذكـرهـا لامــن ورد كل(ن)يـهـمـه
ويتنـومـس بالـفـعـول وبالنـفـايـل


شمـر اللـي قربـهـم محد(ن)يمـلـه
مكرميـن الضيـف بسنينـن محايـل


ياحمـاة اللـي شكـى جــور ومـذلـه
ياسند من فيـه ضيـم الوقـت مايـل


في ذراهم عن سموم القيض ضله
من زبنهـم ماشكـا شمـس وقوايـل


عقـب همـه فــي مجالسـهـم تـدلـه
واستـراح مـن العسيـرات الثقايـل


ون قلط يقلـط علـى افـراش ودلـه
بنهـا يـجـلا صــدا اكـبـود غـلايـل


والــدلال مزهـبـه فــي جــال مـلـه
حايـلـيـه لـلـكـرم رمـــز ودلايــــل


فــي اربـاعـن دربـهـا كـلـن يـدلـه
شامخاتـن كنـهـن روس الطـوايـل


حـي شمـر كاسبـيـن الطـيـب كـلـه
قلتهـا ولاهـي مهونـه فـي القبايـل


حافظـن قـافـي تـراعـن كــل زلــه
مدحهـم ماصغـر اعـيـال الحمـايـل


والقصـايـد كــل قـرمــن يهـتـولـه
وانتم اهل المرجلـه واهـل النفايـل


الطـنـايـا طيـبـهـم كــلــن فـطـنـلـه
عادة الجزلين فـي كسـب الجزايـل


وفالك البيرق يالدماني

اهتمامك يابن عياد للقصيدة في محله
.
.
تستاهل الف والفين شكر يابن الاصايل
.
.
ويعطيك الصحه ومعافا من كل زلــه
.
.
من فخر الشمال مخصوص لابن القبايل

موفق بإذن الله ... لك مني أجمل تحية . حويطيه