[poem=font="Traditional Arabic,6,,bold,normal" bkcolor="transparent" bkimage="" border="none,4," type=2 line=0 align=center use=ex num="0,black""]
انا في داخلي انسان أليم الجرح يصحى به=وانا في دنيتي مسكين مابين الهم والثاني
افضفضها مع الاشعار حزن مع همّ تتشابه=وتلقى بي من الحيره عجب ماهوب ينساني
انا من عادتي احكي وكل الجرح يحكى به=واشوف الحزن بالدنيا صديق ٍ واوفى خلاني
تعلمت الوفاء إنه صديق لناس حبابه=يعلمني واتعلم من اللي برفقه اوفاني
حديث الروح والغربه ماغير الوجد نادى به=انا ألقاه ويلقاني في ليل ٍ معتم ٍ جاني
وتراني ماقويت إلاّ بوصل قلوب غيّابه=تغيب عن الملا وعني والقاها وتلقاني
ياصفوة حبنا الباقي ياكل الخير وابوابه=يــ / خلد ٍ في ثرى قلب ٍ تولع حيل خفقاني
انا مافي يدي حيله اناظر حتى سبابه=لان الوضع مايسمح اشوف التوت رماني
سديم الحال في وقتي وفيّ لبعض اصحابه=سديم ٍ ليته يلقاني بخير ٍ قبل ينعاني
زهمت الصحب والاخيار زهمت الحزن واسرابه=زهمت الشعر في روحي ألينه فز ناداني
اقول الشعر حيث الشعر يحلى له ويحلى به=غشاه الحس هالمملوح جميل القد روياني
جماله يابشر آيه وكل الوصف يزهى به=كأنه من بلاد السند أو هذيك الأوطاني
ترى سويت بك ابيات مع الأثير جذابه=هديه للملاك اللي عيونه عين شيهاني
يــ / أحلام الهناء وشلون دروب الحب غلابه=تخلي من غدير اليّم يصير بيوم طوفاني
جنون الشوق في صدري تولع مثل شبابه=ينور للملا هالدرب ويصبح حيل سجاني
ترى إنتي بداخلي حره مدينه وسطها غابه=وفيها مسكنك عندي وفوق الغير علياني
حروفي من حلى اسمك مع الأثير هبابه=يمكن بس تلقى لك بريد ٍ أو هو عنواني
[/poem]
تقبلوا جلّ إحترامي
عبدالعزيز الرقابي
][ انا في داخلي إنسان ][
العرض العادي
