[align=center]رفعت كفي ماقدرت أرفع الصوت
لو كان فالخاطر كلام كتمتهــ
لحظة وداع وكنها سكرة الموت
ضاع الطريق اللي من أول رسمتهــ
ضاع الطريق وصرت في الدرب مبهوت
مدري وش اللي فاتني مااغتنــمتهــ!
العمر مر وراح مع فايت الفوت
صحيح ضعت وضاع حلم حلمتهــ
الا انت ياللي قربك لروحي القوت
لو غبت يبقى وسمك اللي وسمتهــ
يبقى كما نقش على الصخر منحوت
حفظته بشكله ولونه وسمتهـــ
ولو الفراق أوجاع والبعد ممقوت
اصبح مصير من غــلاكــ احترمتهــ
دمع النصر لو طاح من (عين جالوت)
(عين العقل) دمع تكنهـ/حشمتهــ
ذخرت لك يافرحة العمر تابوت
فيه الغرام اللي بديته ختمتهــ
يبقى الغصن لو مابقى فالغصن توت
يحرك انسام الذعاذيع..صمتهــ
سكت وانا من موادعك مكبوت
شي تجاهلته.. وشي فهمتهــ
حبل الرجا من جور الايام مفلوت
ياليت قلبي عن غرامك عصمتهــ
يامـــا بنيت بيوت وبيوت وبيوت
اليوم كم بيت بنيته.. هدمتهــ[/align]
لحظة وداع
العرض العادي
