[align=center]هذه القصيدة من ابو عبدالرحمن تلبية لطلب الشاعر ابو عمر [/align]
[poem=font=",6,blue,normal,normal" bkcolor="transparent" bkimage="" border="none,4," type=0 line=0 align=center use=ex num="0,black""]
يقول من وايق المشراف عصريه= في راس عيطا طويلاتٍ مزالقها
يطرب لها صاحب العين الشقاويه = متمركزه بالفضا سبحان خالقها
ما طبها إلا عنود الصيد عفريه = والصقر والذيب يكمن في ملافقها
لاجيتها لو هجوسي تبلغ الميه = علاج للنفس من شيٍ مضايقها
صوت الهوا في نباها صوت حربيه = طيارها يرتفع فيها ويطلقها
جلست في راسها جلسه خلاويه = غير الهبايب تصافقني واصافقها
فكرت في زينة الدنيا الجنونيه = الله خلقها وحذر من بوايقها
حلوة مظاهر ولاكن شقلبانيه = تفتح ابواب السعاده ثم تغلقها
إلى صفا وقت فيها قلت مازيه = فجأه تغير وهاذي من طرايقها
تلعب على الناس لعبه بهلوانيه = تعمل حركات والجاهل يصدقها
منا على شانها يزعل على خيه = مايدري ان البشر كله يفارقها
يا لله انا طالبك يا عالم النيه = تغفر ذنوبي قبل تبدي حقايقها
[/poem]
[align=center]
الشاعر : احمد عيد الطقطقي
[/align]
سجة الخاطر
العرض العادي
