مراجل فقدنها وذاق العطش هداج
وجات السنين اوحوش عظم ٍ تفككها
ألا يا ولد هذا زمن شِيخة المكياج
لقايا همومك فوق كبدك اتبرّكها
يشيب الطفل بآخر زمانه وما يحتاج
و تتعب معك نفسك ولا انته بتملكها
وعاله رعاع يطاولون السما ابراج
حوال ٍ كثيره كان عشنا بندركها
مراكب سلامه غُرّقت و البحر امواج
ولا عاد ينفعها خشبها وسامكها
يتلّك شبح سبع العجايب وحكم انعاج
ويدك وهي يدك من الخوف متحكها
سنين ٍ تعبّدنا عجل سكةّ الدولاج
توّطا على اخشوم المعاني وتفركها
حلاة الوحش عقب العشا ينفخ الروباج
ونزر ٍ ينايش بالسمينه ويتركها
وكل ٍ على النيّه مشى والزمن حجّاج
ونفسك على درب المراجل تشيّكها
تعيش وتشوف وبالنهايه تفلّ حجاج
واذا تستحي من بنت عمك أجل فكها
ترى الروس تكبر كل ما لبسوها تاج
فعاد الرجل وشله بلحيه يمسّكها
امل في قفص ولى امل في بيوت ازجاج
يظّله امل في خانة اليك ويتكها
وانا بين حب اللول ومطرّز الديباج
اقيس الاماني في عيوني واسلّكها
عسى يوم اقوم الصبح وآلاقي المخراج
إلى حيث راحة بال والروح تحبكها
صحيح الخبل في بعض الاحيان ماهو داج
اصابع يدك ماهن سوى لو تحركها
انا رحت ثما ً جيت وامشاجها امشاج
هِيّ النفسِ لا تشره عليها وتربكها
سجين ٍ يودّع هالسجن ساعة الافراج
وسجين ٍ سقالله بس تُفتح يدربكها
اذا كنت في مركز ولكّ منصب ٍ وهاج
تبي تنجح اكثر؟ هالحقايق تفبركها
كذا علمتنا مصلحة فني الدوبلاج
وعقب الحقايق تنقلب لا تشككها
وكرسي اعتراف وحمرة الخد والاحراج
مراحل تطور ذي حياتك وتكتكها
امل في قفص ولى امل في بيوت ازجاج
العرض العادي
