جاني اتصالها
وقت الغروب
جاني اتصال صاحبة الطرف الخجول
قالت : حبيبي !!
قلت : يا لبيه !!
قالت : أبسألك سؤال وصدقني ما راح أزعل من صراحتك أبد أبد !
قلت : أنا من يومي الصراحة والصدق مبدئي !
قالت : تذكر لقانا الأول والأخير ؟
قلت : ويلاه وهو شي ينسي !!
قالت : يا غالي للحين كلامك حلو بس مو هذا السؤال !!
قلت : إسئلي يا بخت الأسئلة ومنها أكيد تغار الأجوبة
قالت : أبيك توصفني شلون شفتني بموعد لقانا
حلوه مو حلوه أعجبك جمالي ولا ما أعجبك وإذا أعجبتك وش شدك فيني ؟
عيوني خدي شعري .... أبي منك كل التفاصيل !!
قلت : إيييييييه أجل هذا السؤال يا واثقة !
أجل اسمعي كل كلمة صريحة وصادقة من حبيبك يا غالية
يوم ناظرتك بغت تتوه مني النظرة
شفت العيون وسوادها والهدب الثلجي والرموش وظلالها
والغمازتين آآآآه بس
والشفاه يوم أناظرها كنها ورده حمراء نابتة بين الثلوج
قالت : كلامك حلو ويهبل بس ما تلاحظ إنك تبالغ كثير !!!
قلت : شلون لو تدرين إن كل يوم أزور ذاك المكان وأناظرك
بنفس الشوق ونفس الوله ونفس النظرة التائه
وقلت : فيه سؤال محيرني متى الموعد الثاني ؟؟؟
قالت بضحكة وغرور وبكل ثقة :
لما يذوب الثلج !!
ذيب الشوامين
لما يذوب الثلج ... !! بقلمي !!
العرض العادي
