في عز ماكنت اهوجس فيك!!

في عز ما كنت اهوجس فيك وافتحلـك
ابواب قلبـي خذتنـي رجلـي لبابـك
وجيتك.. وانا ما اذكر اني كنت رايحلك
بس اذكر اني كـذا لاطـول غيابـك
ياما ترددت مـدري كيـف اشرحلـك
اجيك وارجع.. ابيك تقـول وش جابـك
يابـن الاوادم تـرى مليـت المحلـك
انا اعزك واحبـك واعشـق ترابـك
لا ضقت أضيق ..ومتى تفرح أناأفرح لك
ولا غبت.. أموت ومتى ما شفتك أحيا بك
ان كان ودك ترسينـي علـى كحلـك
لميت عمري وخاويتك علـى اهدابـك
لكن قبل تنجـرف حبيـت اوضحلـك
مستقبلي في ايدينك واعمـل حسابـك
لو ضاع مستقبلـي مانـي بسامحلـك
يكفيني الماضي اللي ضـاع بأسبابـك

قلم رائع ينزف بكل ماهو جميل
شـكــ وبارك الله فيك ـــرا لك ... لك مني أجمل تحية .