[poem=font="Simplified Arabic,6,darkblue,normal,italic" bkcolor="transparent" bkimage="" border="none,4,gray" type=2 line=0 align=center use=ex num="0,black"]
من شم ريح العشب زين النواوير=يطري عليه اللي مضى من شبابه
وشوف الخيول المسرجه والمظاهير=يجض قلبه ويتزايد عذابه!!
قبايلٍ تشبه لا بانات والنِّير=بين الكرم هو والظفر والحبابه
يا صبرهم وقت السنين المعاسير=من سَمع له سرٍ سكت ما حكى به
أقولها تعبير يا اهل التفاكير=عن شن مضى شفناه لا واسفابه
يا زين شب النار قْدْم المسايير=في وسط قفرٍ علّلته السَّحابه
والشعر يعرض للرجال المناعير=من قال: له قولٍ : على النار جابه
في بيت قرمٍ ما يهاب المخاسير=لا علّق الهرفي وشمَّر ثيابه
بيت الشَّعر ملفى الوجيه المسافير=بيت تثبت في حباله قطابه
ذولا مسانيدٍ وذولا محادير=ومن قال: أبا أمشي زودّواله زهابه
هذا الكرم.. ما هو نْفاقٍ وتبذير=الفرق واضح ما يصير مْتشابه [/poem]
ناصر بن محمد السيارى الخالدى
المواضيع المتشابهه
هـــــذا الكـــــرم
العرض العادي
