اشوف جو الشعر راكد وهادي // جديد //

اشوف ِ جو الشعر ِ راكد وهادي
.................... الظاهر ان الوضع ِ ماهو بعادي
وانا على الشعار مجبور انادي
.................... والخير جاك وداعي الشر ولا

ودي بكم ياهل الخير === الملعبه تحتريكم
منهو يسوق التباشير === تجون ولا نجيكم

دعوة راقية برقي كاتبها وهلا شاعرنا المتألق / ابن عثمان ربي يسعدك ويبارك فيك وبالفعل استمتعنا بالمحاورات الشعرية الجميلة ويسعدنا الاستمرار والنشاط بهذا القسم الرائع وننتظر المشاركات الطيبة من شعراءنا المميزون ونحن لكم متابعون . وفقكم الله وسدد للخير خطاكم


دمت برقي

مرحبا اختي الفاضله (مسلمه) متابعتك وتشجيعك دوافع حقيقيه للابداع ادامك الله واضفا عليكي جلابيب الستر والعافيه

وبالتوفيق للجميع

الجو ماهو شوفتك جونا شين

********************** لنا حذفناها على الراس والعين

يالي تنادي وين رايح على وين

والخير جاك وطاري الشر ولا

انا جيتك كما الطير**** والملعبه في يديكم
ابشر والي يصير يصير**** الله مير يحييكم

اشوف ِ جو الشعر ِ راكد وهادي
.................... الظاهر ان الوضع ِ ماهو بعادي
وانا على الشعار مجبور انادي
.................... والخير جاك وداعي الشر ولا

ابن عثمان
ابشر بالخير واكيد الشعار في الطريق يلبون نداك


البرق
عساك على القوة


متابعيين بشغف

وفقكم الله

ياالله حي الشاعر وشرف لي اللعب مع شاعر مثلك واذا تبي نغير صيغة الطاروق ترا حاظرين انت امر يالغالي وان كان اعجبك واصل ..... واستلم يابعدي


لبيك ياملبي للجواد لبيك
.................... يفداك كل المال والحال يفديك

ابشر بقاف ٍ يافتى الجود يرضيك
....................... والخير جاك وداعي الشر ولا


دنياك هذي مقادير === اما لكم او عليكم
يامقلطين المسايير === باارواحنا نفتديكم

شقائق النعمان
مرحبا يابنت الاجواد وتواجدك يثري الموضوع وشكرا على المتابعه ودمتي بخير
لكي شكري وشكر اخوي البرق

اذا سمحت لي يابو عثمان ودي اغير الطاروق لان الشيله الاوله قصيرة مره
خلوووووووووووها


البحر لنه طما ياصاحبي من هو يرده

*****************والبواخر غارقه والناس تنشد وش بلاها

كل واحد يلبس ثيابه على جسمه وقده

***************والعرب لو تنذر الماخوذ دايم في عماها

على هواك يالبرق نجي معك على ماتبي واستلم يابعدي


والله انه لو زما يم المحيط اصبح مرده
........................... والهضاب اليا وصلها باد حيله مارقاها

والمساري مجهمات وكل ذيب ٍ له مهده
........................ ايه ياراع المعاني قول لي وشو وراها

[align=center]
استمرو وحنا متابعين اخوي البرق واخوي ابو عثمان

وشكل هالطاروق من اوله حامي

وتمنياتي لكم بالتوفيق
[/align]

هلا وغلا يا مبتدي المشوار ومتا بعتك لنا شرف

هييييه خلوووووووها

يا وسيع المعرفه كل الاوادم مستعده

======= والليالي يا عميلي وجهها يشبه قفاها

كل واحد ينظر بعينه على فراشٍ يمده

========= واصبحت غزه بلا ذنبٍ تخبط في دماها

كل شخص ٍ له مزاج وكل طير ٍ له مهده
.......................... والليالي ماتغطي واحد ٍ يطلب دفاها

والعرب ماهمهم نوح الثكالى ع المخده
....................... الدواير كم تدور وربنا يعلم خفاها

يامـــنادي للقريض اللي بديته ونــت قــده
..........شوقتني حروف شعرك مير لك عندي دواها
جيتك وكني سحابه للقوافي مستبده
..............ترعدحروف المعاني لين تغرق في مداها

اتمنى تقبل مداخلتي ابن عثمان

وصح السانك ولسان البرق وعساكم على القوه

اختك

~صاحبة السمو الملكي~

كل يوم تمر في حاله عظيمه مستبده

========= والعرب ننظر وقالت من خلاها في خلاها

حسبي الله كيف جاه يقفل الباب ويرده

========= صابره خمسين عام وفي النهاية ذا جزاها

صاحبت السمو الملكي
ابرك الساعات يابنت الاجواد تشريفك لنا وسعيدين جدا بهذه المداخله اللطيفه وعزالله منتي بسهله ينخاف منك ومحسوب حسابك من شعراء المحاوره راجيا تقبل ردي المتواضع

ياهلا مليون مره بالفتاه المستبده
....................... شاقها نظم القوافي وابرق البرق بسماها

بنت عود ٍ لانخيته يرخص المال ويمده
....................... سحبها هلت علينا والفياض اينع نماها

من زمان الشيخ الاول سار عند الناس رده
......................... كيف ودك في زمنا ناس تفزع لقصراها

مير عطني من جزيل القاف يالشاعر مشده
............................. قاف يطرب روح من طول التغرب قد براها

جـيت كلي والقوافي جبتها لك مستـجـده
.............اطــوي جروح ٍ قديمه طول صبري مابـراهــا
يازبون الطيب كله منبعه من راس جده
............روس قوم ٍلاتعزوة مايجي منها رداهـا

صح السانك ابن عثمان

وماعليك زود

مشكور يابن عثمان على صبرك وسعة صدرك على
وهذي اقسم بالله اول تجربة لي وكان لي الشرف انها تكون معك
واكرر شكري لك على اعطائي الفرصة

في امان الله وتصبحون على خير

البرق
تشرفت باللعب معك وصدقني مادام هذي البدايه عندك انك شاعر وتستحق التشجيع وترا يالغالي ماحد جا متعلم وخطوة المليون تبدا بخطوه وكل ماشفت جوك رايق ادخل وانا لبا يمينك يالغالي
وانا سعيد جدا بمعرفتك وكذالك بمحاورتك الجميله وشكرا على تشجيعك وطيب نفسك وعلى الخير نلتقي يابن العم

حياالله الشاعره اخت الرجال اللي جت على وضح النقا والطيب وحنا مافتحنا هذه الديوانيه الا لتنميت المواهب الشعريه وكلنا ترا مبتدئين ونتعلم وياهلا ومرحبا بكل اخواننا واخواتنا وتواجدكم يثري الموضوع

خلوهههها

البقا والشعر كله فدوه لراسك نعده
......................... اقبلي يامرحبا بك عد نجم ٍ في سماها

والبحر لوهو تلاطم مايظرك طول مده
........................... يحتوي كل البواخر ويتكيف مع هواها